Flash News
Posta e mëngjesit/ Me 2 rreshta: Çfarë pati rëndësi dje në Shqipëri
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Kriza energjitike, administratori i OSHEE-së: Shqiptarët e kanë harruar kur iknin dritat, s'ka rritje çmimi deri më 1 janar
Administratori i OSHEE-së Ardian Çela bëri me dije deri më 1 janar të vitit tjetër çmimi i energjisë elektrike nuk do të ndryshojë. Ai shtoi më 1 janar do të paraqitet dhe propozimi nga enti rregullator.
Këto deklarata, Çela i bëri në mbledhjen e Komisionit të Jashtëm, ku u pyet nga deputetë të opozitës dhe mazhorancës për krizën energjitike në Shqipëri.
Ai deklaroi se OSHEE-së i është dashur të përballojë krizën e shkaktuar nga thatësirat, duke shtuar se KESH nuk ka garantuar sasinë e nevojshme të energjisë për shkak të mungesës së prurjeve.
“Deri më datë 1 Janar nuk preket tarifa. Më datë 1 janar enti rregullator paraqet propozimin. Deri më tani nuk ka aplikuar për asnjë rritje tarife. Rritje tarifash për 1 milionë abonentë që furnizohen nga OSHEE nuk do ketë. Ne krahasimet i kemi bërë me veten. Shqiptarët e kanë harruar atë periudhë kur iknin dritat.
Ka ende për t’u bërë por përmirësimet janë të dukshme. Në katër vitet OSHEE ka përballuar krizën e thatësirës sepse KESH për shkak të prurjeve nuk ka garantuar sasinë e nevojshme për të furnizuar klientët. I është dashur të ndërpresë investimet për të importuar energji në tregun e lirë. As tarifa nuk është prekur dhe as nuk ka trokitur në derën e qeverisë”, tha Çela.