Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kriza në Bosnjë, Turqia shprehet e gatshme të veprojë si ndërmjetës

Politiko 29 Dhjetor 2021, 11:24

Kriza në Bosnjë, Turqia shprehet e gatshme të veprojë si

Turqia është e gatshme të veprojë si ndërmjetës në krizën e Bosnjës dhe do të bëjë ç'është e mundur për të garantuar stabilitet, tha dje ministri i Mbrojtjes Hulusi Akar, mes shqetësimeve për lëvizjet separatiste të udhëheqësit serb të Bosnjës Milorad Dodik.

Si pjesë e një vizite në Sarajevë këtë javë, Akar u takua me homologun e tij boshnjak dhe zyrtarë të tjerë, raportojnë mediat e huaja.

“Ne e shohim Bosnjën dhe Hercegovinën në tërësi. Ne kemi bërë gjithçka mundemi për unitetin dhe stabilitetin e tij dhe do të vazhdojmë ta bëjmë këtë. Nëse dëshirohet, Turqia mund të punojë si ndërmjetëse në Bosnje dhe Hercegovinë", tha Akar, pa dhënë detaje.

Në një mocion jodetyrues që i hap rrugën shkëputjes nga Bosnja, ligjvënësit serbë në fillim të këtij muaji votuan për fillimin e tërheqjes së Republikës së tyre autonome Serbe nga forcat e armatosura, sistemi i taksave dhe gjyqësori i Bosnjës.

Bosnja u nda në dy rajone autonome – Republika Serbe dhe Federata, e dominuar nga boshnjakët dhe kroatët – pas luftës së saj të viteve 1992-1995. Të tre institucionet përfaqësojnë shtyllat kryesore të sigurisë së përbashkët, sundimit të ligjit dhe sistemit ekonomik.

Turqia ka thënë se votimi i ligjvënësve serbë ishte "i gabuar, i rrezikshëm" dhe mund të kërcënonte stabilitetin rajonal. Gjermania i ka bërë thirrje Bashkimit Evropian që të sanksionojë Dodik.

Turqia kryesisht myslimane ka lidhje të forta me Bosnjën. Presidenti Rexhep Tajip Erdogan ka lavdëruar shpesh udhëheqësin e kohës së luftës së Bosnjës, Alija Izetbegovic, ndërsa ka krijuar marrëdhënie miqësore me presidencën trepalëshe ndëretnike të Bosnjës.

Dodik dëshiron të tërheqë të gjitha reformat e bëra pas luftës dhe të kthehet në kushtetutën e vitit 1995, sipas së cilës shteti përfaqësohej nga institucionet bazë vetëm ndërsa të gjitha pushtetet u përkisnin rajoneve.

Udhëheqësit e opozitës në Bosnje paralajmëruan se lëvizjet mund ta çojnë Republikën Serbe në një luftë të re, ndërkohë që disa serbë të Bosnjës shprehën shqetësim lidhur me lëvizjet e Dodik, nga frika e një rikthimi në kaos dhe madje konfliktit, ndërsa ata luftojnë vetëm për të përballuar jetesën.

Të fundit