Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kryeministri Edi Rama lë në harresë suksesin e ekipeve shqiptare në Europë

Politiko 16 Korrik 2021, 12:29

Kryeministri Edi Rama lë në harresë suksesin e ekipeve shqiptare

Mbrëmja e djeshme ishte e bukur dhe festive për ekipet shqiptare në kualifikueste për kompeticionet euoropiane. Tre ekipet e Kategorisë Superiore, Partizani, Laçi dhe Vllaznia fituan dhe avancuan më tej në “Conference League”.

Partizani arriti të fitonte në Moldavi kundër Sfintulit me rezultatin 2-3, teksa kishte fituar edhe ndeshjen e parë në "Elbasan Arena" me rezultatin 5-2.

Laçi mposhti në "Elbasan Arena", kundërshtarët e Podgoricës me rezultatin 3-0, duke përmbysur rezultatin e ndeshjes së parë ku humbën 1-0 në Malin e Zi.

Akoma më e bukur ishte fitorja e Vllaznisë në një "Loro Boriçi" të tejmbushur në Shkodër, ku arriti të mposhte 3-0 boshnjakët e Shiroki Brijeg. Shkodranët kishin humbur me rezultatin 3-1 ndeshjen e parë, por mrekullia do të ndodhte në pjesën e dytë të ndeshjes në Shkodër ku u realizuan të tre golat dhe kaluan në turin e dytë të “Conference League”.

Në turin tjetër ekipet shqiptare i presin kundërshtarë më të vështirë, si Bazeli i Zvicrës për Partizanin, Universitatea Krajova e Rumanisë për Laçin dhe AEL Limasol i Qipros për Vllaznisë. Gjithsesi, le të ndalemi te mbrëmja e djeshme, e cila ishte një mbrëmje krenarie për të gjithë shqiptarët, pasi kur bëhet fjalë për ekipet shqiptare në arenën europiane të gjithë bëhen bashkë.

Në rrjetet sociale ishin të shumta urimet për tre ekipet shqiptare, por mungoi urimi më kryesor, postimi i kryeministrit Edi Rama. Kreu i qeverisë la në harresë suksesin e ekipeve shqiptare në arenën europiane, pavarësisht nivelit të kundërshtarëve.

Kryeministrin Edi Rama jemi mësuar ta shohim shumë aktiv në rrjetet sociale për futbollin. E kemi parë Ramën të reagojë për kombëtaren e Italisë, pas çdo kalim faze në kampionatin europian. Madjes shpesh fotot i postonte më shpejt sesa kombëtarja italiane. Ai reagon edhe për Juventusin pas fitoreve në “Champions League” apo “Seria A” dhe shpesh uron edhe ndopnjë ekip tjetër për fitoret në europë.

Por, sa herë që flitet për sukses të futbollit shqiptar, çuditërisht nuk ka asnjë përshkrim nga ana e kreut të qeverisë. Ky sport është një hallkë e lidhur zinxhir me ekonominë e vendit dhe nuk shohim shpesh një shtet të varfër që ka ecuri mbreslënëse në futboll.

Futbolli ka ecur shumë para në vendin tonë, nëse e krahasojmë me fushat e tjera. Qeveria nuk i ka çelur ende negociatat me Bashkimin Europian, ndërsa një ekip shqiptar është futur që në vitin 2015 në një kompeticion europian. Bëhet fjalë për Skënderbeun i cili luajti në grupet e “Europa League” dhe përsëriti të njëjtin gjë dhe në vitin 2017. Ndërkohë që nuk duhet lënë pa theksuar as pjesëmarrja e kombëtares shqiptare në Euro 2016.

Shqiptarët duhet të ndihen krenarë me futbollin e tyre dhe bashkë me ta edhe kryeministri Edi Rama!