Kryenegociatori Zef Mazi: Topi është në fushën e Shqipërisë, jo të BE-së! Të arrihet konsensusi mes palëve politike

Kryenegociatori i Shqipërisë me Bashkimin Evropian, Zef Mazi i bëri apel të gjitha palëve politike, që të punojnë bashkë pro avancimit të Shqipërisë drejt BE, pasi në Bashkimin Evropian, sipas tij, integrohet Shqipëria dhe jo partitë politike.

Mazi u shpreh se negociatat do të zhvillohen me metodologjnë e re të zgjerimit që parashikon s nëse vendi nuk ka progres, do të ketë suspendim.

“Negociatat do të zhvillohen me metodologjinë e re. Sipas kësaj metodologje që do të zbatohet për herë të parë me Shqipërinë dhe Maqedoninë e Veriut nëse nuk do të ketë progres, do të ketë regres. Do të ketë edhe mekanizëm supsendimi nëse nuk ka progres.  Kështu që duhet të zbatohen të gjitha rekomandimet e Këshillit Evropian.  Kjo nënkupton konsensus të brendshëm mes gjitha palëve. Në BE nuk integrohen partitë politike, por Shqipëria.  Duhet të flasim në një zë, pro avancimit të integrimit të Shqipërisë në BE.  Topi mbetet në portën tonë përderisa nuk kalon në portën e BE”, u shpreh ndër të tjera Mazi.

Teksa bëri një përmbledhje të ecurisë së procesit të integrimit, Mazi u shpreh synimi është që konferenca ndërqeveritare të mbahet në qershor të këtij viti.

“Kemi përgatitur dhe kemi paraqitur në komision raportin. Janë mbajtur 9 komitetet për financat. Janë bërë vlerësimi nga komisioni. Kemi ecur përpara me përgatitjet për negociatat për 33 kapitujt.  Kjo dëshmon se pala shqiptare do të hyjë në këtë proces me përvojë konkrete dhe ekspertizë të gjerë. Sot nuk ka një datë për konferencën ndërqeveritare, pro kjo nuk do të thotë se nuk do të japim kontribut.  Së shpejti pritet të bëhet një vlerësim tjetër përpara konferencës ndërqeveritare.  Synimi është që konferenca e parë ndërqeveritare është të mbahet në qershor të 2021″, tha Zef Mazi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm