Flash News

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Të paktën 91 të vdekur nga përmbytjet në Teksas

E-TJERA

"Kryengritësit janë strukur", Ngjela tregon arsyen e zbarkimit të amerikanëve në Shqipëri: Një stërvitje e Natos në mbrojtje kundër Rusisë

Politiko 4 Maj 2021, 16:54

"Kryengritësit janë strukur", Ngjela tregon arsyen e

"Kjo është një stërvitje ushtarake e Natos në mbrojtje kundër Rusisë, e cila po ndërhyn për destabilizimin e rajonit të Ballkanit dhe të vendeve të Mesdheut e të Lindjes së Mesme." Kjo është arsyeja që jep avokati Spartak Ngjela lidhur me zbarkimin e trupave amerikanë në Shqipëri për “Defender Europe 21”, një stërvitje e përbashkët shumëkombëshe e cila nisi sot në Durrës.

Përmes një postimi në rrjetet sociale, Ngjela shkruan se zbarkimi i trupave ushtarak amerikanë ndalon çdo lëvizje të dhunshme paszgjedhore në Shqipëri. Ai e konsideron si një turp historik aktin e PD-së për mosnjohjen e zgjedhjeve dhe shton më tej se kryengritësit janë strukur sepse i ka trembur stërvitja "Defender Europe 21", duke iu refereuar si kryengritës presidentit Ilir Meta dhe ish-kryeministrit Sali Berisha.

Postimi i plotë:

Cilat janë kushtet e kësaj kohe paszgjedhore që ndalon çdo lëvizje të dhunshme në Shqipëri?
l.
Është ende një turp historik përsëritja e refrenit antidemokratik të mos-njohjes së zgjedhjeve në Shqipëri.
Në fakt, ishte preteksti për kryengritje, kur Berisha - Meta e kishin si përmendje parazgjedhore pretendimin me refren: " zgjedhjet do të manipulohen".
Por, pa asnjë provë. Pretendimi se një proces kushtetues është zhvilluar në kushte joligjore, pa paraqitur prova, është pretekst.
Po ky pretekst përse u hodh në konsum publik?
Këtë e shprehu presidenti në shkarkim Ilir Meta, kur nuk u përmbajt dhe foli për represion popullor në mbrojtjen e votës, përpara se sa të kryheshin votimet: domethënë na foli për kryengritje.
Po tani që kalanderët e "revolucionit për votën" janë të humbur dhe po llomotisin për "manipulim zgjedhor", ku e kanë kryengritjen?
Kryengritësit janë strukur. Dhe, e dini pse? sepse i ka trembur stërvitja Defender 21 me trupat amerikane në Durrës e kudo në Shqipëri.
Zotërinj, Shqipëria është një vend anëtar i Natos: e njihni ju zotërinj se çfarë është Defender 21?
Kjo është një stërvitje ushtarake e Natos në mbrojtje kundër Rusisë, e cila po ndërhyn për destabilizimin e rajonit të Ballkanit dhe të vendeve të Mesdheut e të Lindjes së Mesme.
ll.
E pra:
E dinë këta trima që janë ekspertët e Natos që vendosin çështjen e stabilitetit të Shqipërisë sot, kur këtu janë mbi 8000 forca ushtarake amerikane?
E dinë këta revolucionarë që, për konceptin e drejtësisë perëndimore, është prova ajo që krijon besimin nëse ky proces është ose jo ligjor?
E dinë këta që prova vërtetohet vetëm përpara një gjykate?
E dinë revolucionarët e Metës dhe Berishës që Defender 21 është stërvitje ushtarake e Natos kundër Rusisë, e cila kërkon destabilizimin e Shqipërisë dhe të Ballkanit Perëndimor?
E dinë këta që çdo lëvizje destabilizuese në Shqipëri, është në favor të Rusisë?
E dinë këta që në Shqipëri dhe në Kosovë Rusia paguan media dhe individë për të krijuar terrenin e destabilizimit të Shqipërisë?
E dinë këta revolucionarët e Tiranës përmbajtjen e Traktatit të Atlantikut Verior, për çdo anëtar të Natos; i cili kërcënohet nga Rusia?
Prandaj, për të gjitha këto që pyetëm; theksi demokratik është ky: po keni prova, paraqituni para një gjykate, në Shqipëri dhe në Strasburg.
Veprimet e tjera ju rrezikojnë, sepse nuk kanë lidhje me zgjedhjet, por me destabilizimin e Shqipërisë; dhe Shqipëria sot është shumë e mbrojtur.

Të fundit