Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Kryeqyteti Evropian i Rinisë 2022”, Tirana merr një titull të ri për vitin 2023

Politiko 7 Nëntor 2022, 20:52

“Kryeqyteti Evropian i Rinisë 2022”, Tirana merr një

Viti 2023 do jetë viti i Sportit për Tiranën. Kryeqyteti është afër mbylljes së vitit si “Kryeqyteti Evropian i Rinisë 2022” dhe kryetari i Bashkisë së Tiranës, Erion Veliaj, ndau një lajm të ri me kryeqytetasit: në 2023-in Tirana do mbajë titullin “Qyteti Evropian i Sportit”.

Veliaj tha se pas një pune të palodhshme, Tirana arriti të fitojë një tjetër titull, që do i japë një fokus të veçantë, këtë herë sportit.

“Sot është një ditë fantastike për Tiranën tonë. Kemi punuar shumë, shumë, shumë për t’ia mbërritur kësaj dite. Patëm një nga kampionatet më të bukura të peshëngritjes në Evropë, kemi kampionë, si Brikeni dhe Erkandi – jam shumë krenar për të gjithë punën që është bërë. Jam shumë krenar që ekipi ynë i mundjes, po ashtu edhe Zelimkhan Abakarov, i cili sot është Kampion i Botës, ka mundësi të trajnohet në palestrat e mundjes. Komiteti Olimpik Shqiptar është këtu dhe më vjen mirë që sot, me punën e Fidelit dhe skuadrës së tij fantastike, jemi në nivelet më të larta. Për një vend të vogël që ka prodhuar kampionë Europe, kampionë bote, kampionë Ballkani, është edhe një kompliment për punën fantastike që ka bërë Komiteti Olimpik. Sot jemi në një situatë ku, me shpërblimet, me mënyrën se si bashkia dhe ministria punojnë, vërtet kemi bërë diçka të mrekullueshme. Pas gjithë këtyre punëve, ju e dini që ne jemi përpjekur gjithmonë që ta ngremë lart emrin e Tiranës. Këtë vit ne jemi “Kryeqyteti Europian i Rinisë” – nuk jemi perfektë, por kemi qenë origjinalë. Kemi prodhuar një pafundësi aktivitetesh për rininë dhe nuk do të mbarojnë deri në fund të vitit. Por, sot për komunitetin e sportit, kam një kënaqësi të jashtëzakonshme, një nder të madh dhe një privilegj të papërshkrueshëm, sepse sapo jemi informuar, t’ju them se Tirana është shpallur “Qyteti Evropian i Sportit 2023”,- u shpreh Veliaj.

Të fundit