Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kryetarja e KLGJ: Mungojnë 144 gjyqtarë nga vettingu, brenda korrikut Gjykata e Lartë me 10 anëtarë

Politiko 25 Qershor 2021, 13:29

Kryetarja e KLGJ: Mungojnë 144 gjyqtarë nga vettingu, brenda korrikut

Kryetarja e Këshillit të Lartë Gjyqësor, Naureda Llagami shprehet se Gjyakata e Lartë brenda korrikut mund të bëhet me 10 anëtarë nga 7 që ka aktualisht, duke përbërë kështu numrin nevojshëm të trupës së gjyqtarëve për të propozuar 3 kandidaturat e saj për Gjykatën Kushtetuese dhe plotësimin e plotë të saj.

"Këshilli po mundohet të jetë i kujdesshëm për vakancat që plotëson, kemi dashur të kujdesimi për funksionalitetin e një gjykata dhe aktualisht Gjykata e Lartë do të bëhet me 10 anëtarë. KLGJ po vlerëson kandidaturat dhe brenda korrikut do të propozojmë 3 gjyqtarët në Gjykatën e Lartë në mënyrë që të zhbllokojmë situatën me 10 gjyqtarë dhe me pas të do të bëhet e mundur edhe zgjedhja e 3 anëtarëve të saj për Kushtetuesen", tha Llagami për "Report tv".

Ajo foli edhe për hartën e re gjyqësore që ka propozuar KLGJ, ku të ketë vetëm 1 gjykatë Apeli, dhe 15 gjykata nga 34 që janë. Kjo tha Llagami bëhet për arsye të vakancës së krijuar nga vettingu. Sistemi është në krizë, tha Llagami, pasi kostot janë tepër të larta, stoku i dosjeve sa vjen dhe rritet, ndërkohë që nuk ofrohet shërbimi i kërkuar.

Kryetarja e KLGJ-së tha se grupet e punës, ku ka edhe përfaqësues të Ministrisë së Drejtësisë do të konsultohet me grupet e interesit dhe shoqërinë civile në lidhje me hartën e re gjyqësore për uljen e numrit të gjykatave dhe krijimin e një Apeli

"KLGJ ka detyrimin për të organizuar të gjithë gjykatat për të qenë më eficent me burimet njerëzore dhe të ketë sa më pak kosto. Sot sistemi vuan edhe nga vakancat që ka krijuar vettingu. KLGJ këtë situatë e kishte të qartë që do ndodhte dhe që në momentin që u ngrit krijoi grupin e punës për të krijuar hartën gjyqësore për të pasur një drejtësi eficente. Për shqyrtimin e çështjeve urgjente ne delegojmë në gjithë Shqipërinë. Për 2020 kemi deleguar 820 gjyqtarë, dhe kjo ka kosto financiare dhe për më tepër ai gjyqtar që delegohet lë çështjet e veta dhe merret me të tjerat ku delegohet. Sistemi është në gjendje kritike, sot kam një sfidë shumë të madhe, qytetarët nuk e dinë se kur do u gjykohet çështja. Pjesa e delegimeve është problematike dhe po mundohemi ta menaxhojmë, por situata po përkeqësohet, sistemi ka shumë kosto dhe për këto kosto nuk e ofron atë shërbim. Ata që janë pezulluar nga vettingu paguhen me 75 % të rrogës, por nuk japin shërbim. Pra shteti paguan, por qytetari nuk merr shërbim.

Përbërja e grupit të punës kishte dhe përfaqësues të Ministrisë së Drejtësisë dhe nuk kemi kundërshtim me ta. Ne do të konsultohemi së shpejti më të gjithë aktorët nga grupet e interesit, avokatët, shoqërinë civil. Sistemi gjyqësor është në alarm, alarm që ishte parashikuar nga grupi i punë dhe një Apel është për shkak të situatës që është krijuar nga vettingu dhe humbet që ka krijuar në sistem. Unë jam e hapur për diskutime dhe propozime të reja", tha Llagami.

Ajo shtoi më tej se për shkak të vettingut boshllëqet në sistem janë të mëdha, ku në të gjithë vendin mungojnë 144 gjyqtarë dhe se prurje që vijnë nga shkolla e Magjistraturës janë vetëm 44. Këto humbje tha Llagami nuk zëvendësohen dot me këto ritme që janë prurjet.

"Sot në Apel kemi 25 gjyqtarë nga 79 që duhet të jenë dhe në sistemin gjyqësor mungojnë 144 gjyqtarë dhe prurjet e reja nga shkolla e Magjistraturës janë vetëm 44. Prurjet nuk plotësojnë dot mungesat që kemi. Ne sot këto humbe nuk i zëvendësojmë dot me këto ritme, prandaj duhet të mendojmë për zgjidhe konkrete." tha Llagami.