Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kthimi i mbetjeve të rrezikshme, drejtori i Bazelit: U shfaqën probleme të pazakonta gjatë rrugës

Politiko 27 Tetor 2024, 21:11

Kthimi i mbetjeve të rrezikshme, drejtori i Bazelit: U shfaqën

Drejtori Ekzekutiv i Rrjetit të Bazelit, Jim Puckett komentoi rastin e një anije të ngarkuar me 2100 tonelata mbetje industriale që dyshohet se përmbajnë lëndë të dëmshme qe pritet të mbërrijë në portin e Durrësit.

Duke folur në Syri tv, ai theksoi se ishin shfaqur probleme të pazakonta gjatë rrugës, duke filluar nga fikja e gjurmuesve të anijeve që transportonin mbetjet, çka kishte vështirësuar ndjeshëm procesin e lokalizimit të tyre në Oqeanin Indian.

Puckett u shpreh se kalimi i dërgesave përmes vendeve si Portugalia dhe Turqia ngrinte dyshime të forta për transparencën dhe ligjshmërinë e këtij eksporti.

Ai shtoi se ishte e nevojshme që qeveria shqiptare të ofronte informacion të qartë për publikun dhe të merrte mostrave nga dërgesat në mënyrë që të vlerësonte përmbajtjen e tyre.

Puckett: Në fakt, gjërat ishin disi të çuditshme, sepse anijet që mbanin fillimisht këto mbetje ishin dy anije dhe ato i fikën transmetuesit dhe gjurmuesit satelitorë, kështu që ishte e pamundur të lokalizoheshin në Oqeanin Indian. Kjo ishte tërësisht e pazakontë, kjo nuk ndodh zakonisht asnjëherë, prandaj na lindi dyshimi se çfarë po ndodhte. Kontaktuam linjën e anijeve MSC dhe MARSK dhe u siguruam që gjurmuesit do të ndizeshin dhe që ngarkesa e mbetjeve të kthehej përsëri në vendin e origjinës në Durrës për të kuptuar se cilët ishin përgjegjës për këtë eksport që s’duhet të kishte ndodhur.

Moderatorja Armela Ferko: Po gjatë rrugës së kthimit, ka pasur diçka të dyshimtë, të çuditshme të cilën ju e keni vënë re? Nuk e di lidhur me destinacionet që përdoren zakonisht, lidhur me portet e caktuara, një qëndrim më gjatë në port, një ndryshim të anijeve, apo nuk e di. Ka diçka që vlen të ndalemi?

Puckett: Në fakt, ishte e pazakontë edhe kthimi, pasi dërgesa kaloi në Portugali, në Spanjë, në Turqi. Nuk e dimë përse kaloi në Turqi gjatë rrugës në Mesdhe. Ndonjëherë ndodh edhe kështu me dërgesat, por në fakt ne nuk e dimë nëse këto janë mbetje me të cilat mund të ketë pasur ndonjë ndikim dhe duam që të shmangim çfarëdo lloj problematike dhe të sigurojmë transparencën. Duhet që qeveria t’i hapë ato në sy të publikut dhe të marrë kampionet në sy të publikut, në mënyrë që të merren kampionë dhe mostra të ndryshme nga kontejnerë të ndryshëm. Unë do t’i kërkoj ministrisë së Mjedisit të marrë mostrën që kërkojmë, por këto i duhen dhënë edhe autoriteteve të pavarura në mënyrë që analizat që dalin të tregojnë se është e njëjta mbetje dhe të mund të gjëjmë informacionin e duhur dhe të kuptojmë se çfarë përmbajnë këto materiale.