E-TJERA

Kualifikueset “Euro 2024”/ Kombëtarja mbyll përgatitjet në Shqipëri, nesër fluturon drejt Polonisë

Kualifikueset “Euro 2024”/ Kombëtarja mbyll përgatitjet

Kombëtarja e Shqipërisë ka zhvilluar seancën e fundit stërvitore në Shtëpinë e futbollit para nisjes për në Varshavë, në kuadër të ndeshjes kualifikuese të “Euro 2024” kundër Polonisë.

Seanca është zhvilluar me dyer të mbyllura, teksa portieri Thomas Strakosha dhe sulmuesi Myrto Uzuni janë stërvitur rregullisht me grupin. Të dy futbollistët nuk ishin pjesë e grupit një ditë më parë, duke bërë më shumë fizioterapi për shkak të shqetësimeve nga lodhja muskulore.

Stafi mjekësor gjithsesi ka konfirmuar se gjithçka është në rregull dhe lojtarët i janë rikthyer stërvitjes bashkë me shokët e skuadrës.

Për rreth një orë e gjysmë lojtarët kanë zhvilluar trime fizike e më pas ushtrime me top me situata të ndryshme loje, teksa gjithçka ka shkuar sipas programit dhe pa probleme fizike për ta.

Kuqezinjtë nisen mëngjesin e së dielës drejt Varshavës, aty ku të hënën në mbrëmje do të luhet sfida e parë e kualifikueseve të Europianit 2024 ndaj Polonisë.

Të fundit