Flash News

U përplas me ‘Audi-n’, humb jetën drejtuesi i motomjetit në Fier. Shoferi braktisi mjetin

PS ndryshoi qëndrim, Alibeaj anulon mbledhjen e grupit

Deklarata e Krichbaum, Berisha: Angazhim personal, më gjej një provë që fakton trillimin e Sorosit

Pse Shqipëria nuk ndahet nga RMV? Michel: Do punojmë për ta zgjidhur, ç'thotë për ‘Open Balkan’

Integrimi, presidenti i KE: Po përshpejtojmë integrimin, Shqipëria të mos presë deri në qershor

E-TJERA

Kuçovë/ U gjet e pajetë në kanal, fqinji vret 58-vjeçaren për një borxh

Politiko 21 Janar 2022, 09:23
Kuçovë/ U gjet e pajetë në kanal, fqinji vret
Foto Ilustruese

Një grua u gjet e pajetë mbrëmjen e djeshme e hedhur në një kanal në fshatin Kozare të qytetit të Kuçovës.

Gruaja ëhstë gjetur gjysmë e zhveshur, e mbuluar me gjethe në kanal. Autori i ngjarjes, Fetah Marra 58 vjeç, ishte komshi me viktimën dhe dyshohet se shkak është bërë një borxh në lekë që ky i fundit i kishte familjes së Fatime Sulit.

Nga ekspertiza mjeko-ligjore rezultoi se Fatime Suli është asfiksuar nga mbytja me duar. Autori është vënë menjëherë në pranga menjëherë pas identifikimit. Viktima u gjet pas rreth 1 orë kërkimesh rreth 1 km larg banesës së saj. Familjarët kishin disa orë që e kërkonin dhe pasi nuk e gjenin kishin njoftuar policinë.

Njoftimi i policisë:

Mbyti 64-vjeçaren dhe e hodhi në kanal, Policia zbardh ngjarjen dhe identifikon autorin e dyshuar.
Vihet në pranga 58-vjeçari.

Shërbimet e Komisariatit të Policisë Kuçovë, pas marrjes së njoftimit për një shtetase të pajetë në kanal, në fshatin Havaleas, Kuçovë, menjëherë kanë shkuar në vendngjarje, së bashku me grupin hetimor.
Falë veprimeve të shpejta dhe informacioneve të grumbulluara u bë i mundur identifikimi dhe kapja e autorit të dyshuar të kësaj ngjarjeje.

Në vijim të veprimeve, nga specialistët e Seksionit për Hetimin e Krimit në Komisariatin e Policisë Kuçovë u bë arrestimi në flagrancë i shtetasit Fetah Marra, 58 vjeç, banues në fshatin Havaleas, Kuçovë, i cili dyshohet se për motive të dobëta, e ka mbytur dhe e ka lënë në një kanal shtetasen Fatime Suli, 64 vjeçe, banuese në fshatin Havaleas, Kuçovë.
Grupi hetimor, nën drejtimin e Prokurorisë së Rrethit Gjyqësor Berat, vazhdon hetimet për zbardhjen e plotë të rrethanave të ngjarjes

Të fundit