Flash News

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Të paktën 91 të vdekur nga përmbytjet në Teksas

Gjendet një trup i dekompozuar në Kolonjë, dyshimet e para

E-TJERA

Kukësi nën pushtetin e stuhisë së borës: Probleme në qarkullim dhe mungesë energjie

Politiko 12 Janar 2025, 09:07

Kukësi nën pushtetin e stuhisë së borës: Probleme
Kukësi është përfshirë nga një stuhi e fuqishme bore gjatë kësaj të diele, duke krijuar kushte të vështira dimërore për banorët. Era e fortë nga veriu në drejtim të juglindjes, e shoqëruar me reshje të dendura bore, ka ulur temperaturat deri në -3°C.

Trashësia e borës në qytet ka kaluar 10 cm, ndërsa në zonat malore arrin deri në 30 cm. Era ka krijuar grumbullime të mëdha bore në lugina, ku trashësia kalon një metër, duke e bërë lëvizjen edhe më të vështirë.

Rrugët nacionale raportohen me vështirësi të shumta në qarkullim. Autoritetet u bëjnë thirrje drejtuesve të automjeteve të tregojnë kujdes maksimal dhe, nëse është e mundur, të shmangin udhëtimet e panevojshme.

Ndërkohë, situata rëndohet nga mungesa e energjisë elektrike. Qyteti i Kukësit ndodhet pa furnizim me energji që prej më shumë se 10 minutash, ndërsa zona të tjera përreth raportojnë të njëjtat probleme.

Autoritetet lokale po punojnë për menaxhimin e situatës dhe zgjidhjen e problemeve të shkaktuara nga stuhia, ndërsa banorët këshillohen të ndjekin me kujdes udhëzimet për sigurinë.

Të fundit