Flash News

Nesër ditë zie në Kosovë, në nderim të policit të vrarë

Ja momenti kur gjendet i vrarë terroristi serb në veri të Kosovës

Dhunohet një efektiv i forcave ‘Shqiponja’ në Laprakë

Kishte planifikuar vrasjen e 3 personave, arrestohet 41-vjeçari në Pogradec

Të armatosur dhe të maskuar, Kurti nxjerr fotot e grupit që po sulmon Policinë e Kosovës

E-TJERA

Kultivonin kanabis në banesën e tyre në Krujë. Arrestohet babai, shpallet në kërkim djali i tij

Politiko 1 Qershor 2023, 15:33

Kultivonin kanabis në banesën e tyre në Krujë. Arrestohet

Policia e Krujës ka vijuar kontrollet në të gjithë zonën për goditjen e kultivimit të bimëve narkotike. Sipas njoftimit të autoriteteve, bëhet me dije se në kuadër të operacionit “Territor i pastër”, janë asgjësuar 140 bimë narkotike.

Në prangat e policisë ka rënë i zoti i parcelës, Vesel Xhaferi, ndërkohë që është shpallur në kërkim djali i tij. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

NJOFTIMI I POLICISË:

Krujë/Vijojnë kontrollet intensive në të gjithë rrethin, për të konstatuar dhe goditur tentativat për kultivim të bimëve narkotike cannabis sativa.

Finalizohet faza e dhjetë e megaoperacionit policor antikanabis të koduar “Territor i pastër”. Asgjësohen 140 bimë narkotike cannabis sativa, që u gjetën të kultivuara në një banesë, në fshatin Fushë Thumanë.

Vihet në pranga 1 shtetas, si dhe identifikohet dhe shpallet në kërkim djali i tij, autorë të dyshuar të kultivimit të këtyre bimëve, në banesën e tyre.

Shërbimet e Komisariatit të Policisë Krujë dhe ato të Forcës së Posaçme Operacionale të DVP Durrës, kanë vijuar intensivisht kontrollet në fshatra të ndryshëm të rrethit, me qëllim parandalimin dhe goditjen që në fazë fillestare, të tentativave për të kultivuar bimë narkotike.

Si rezultat i kontrolleve të ushtruara në kuadër të fazës së dhjetë të megaoperacionit policor antikanabis të koduar “Territor i pastër”, në banesën e shtetasve V. Xh. dhe B. Xh. (babë e bir), në fshatin Fushë Thumanë, u gjetën të kultivuara 140 bimë të dyshuara narkotike cannabis sativa, të cilat u asgjësuan me anë të djegies.

Për këtë rast, u vu në pranga shtetasi V. Xh., si dhe u shpall në kërkim djali i tij, shtetasi B. Xh., për të cilin vijojnë kërkimet, me qëllim lokalizimin dhe kapjen. Megaoperacioni policor antikanabis i koduar “Territor i pastër”, vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Të fundit