Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kultivuan kanabis, tre të arrestuar në Mat, procedohet kryetari i fshatit

Politiko 24 Gusht 2023, 11:54

Kultivuan kanabis, tre të arrestuar në Mat, procedohet kryetari i

Vlash Stojani, Pashk Stojani dhe Jani Gjergji janë arrestuar në Mat për kultivim të lëndëve narkotike.

Po ashtu janë proceduar penalisht dhe 2 persona të tjerë. Personat e proceduar janë kryetari i fshatit Stojan, Gjevalin Brukaj dhe një inspektor i shërbimit pyjor, Mehill Dekagjini.

Njoftimi i Policisë:

Mat/Vijojnë kontrollet në zona të thella të qarkut, për parandalimin dhe goditjen e kultivimit të bimëve narkotike. Finalizohet faza e gjashtë e operacionit policor të koduar “Kreshta të pastra”, goditen 2 raste të tjera të kësaj veprimtarie kriminale. Asgjësohen nëpërmjet djegies 341 bimë narkotike cannabis sativa që u gjetën të kultivuara në fshatrat Stojan dhe Lundre. Identifikohen, kapen dhe arrestohen 3 autorët e dyshuar (2 prej tyre vëllezër) të kultivimit të këtyre bimëve. Në vijim, procedohen penalisht për shpërdorim të detyrës, kryetari i fshatit Stojan dhe një inspektor i shërbimit pyjor në këtë zonë. -Gjatë të gjitha fazave të këtij operacioni, janë asgjësuar 1801 bimë narkotike cannabis sativa, janë arrestuar 6 autorë të kultivimit të këtyre bimëve, janë shpallur në kërkim 3 të tjerë, si dhe janë proceduar penalisht 4 shtetas, mes tyre kryetarë fshatrash dhe inspektor të shërbimit pyjor. Shërbimet e Komisariatit të Policisë Mat dhe strukturat hetimore të krimeve në volum në DVP Dibër, kanë vijuar kontrollet në çdo skaj të qarkut, kundër kultivimit të bimëve narkotike. Kontrollet, me shërbime nga toka dhe me dronë, janë bazuar në informacionet e siguruara nga inteligjenca policore. Si rezultat, është finalizuar faza e gjashtë e operacionit policor antikanabis të koduar “Kreshta të pastra”, në kuadër të së cilës u goditën 2 raste të tjera të kësaj veprimtarie kriminale.

-Në fshatin Stojan, Policia asgjësoi nëpërmjet djegies, 176 bimë narkotike cannabis sativa. Si rezultat i veprimeve të shpejta hetimore dhe procedurale, u identifikuan dhe u arrestuan autorët e dyshuar të kultivimit të këtyre bimëve, shtetasit V. S. dhe P.S. (vëllezër), të dy banues në fshatin Stojan. -Në fshatin Lundre, njësia administrative Stojan, Policia asgjësoi nëpërmjet djegies, 165 bimë të tjera narkotike cannabis sativa. Gjithashtu, u identifikua dhe u arrestua autori i dyshuar i kultivimit të këtyre bimëve, shtetasi J. Gj., banues në fshatin Kokërdhok. Në vijim të veprimeve procedurale për këto raste, u referuan materialet në Prokurori ku nisi procedimi në gjendje të lirë, për veprën penale “Shpërdorimi i detyrës”, për shtetasit Gj. B., 31 vjeç, kryetari i fshatit Stojan dhe M. D., 63 vjeç, inspektor i shërbimit pyjor në këtë zonë. Operacioni policor antikanabis i koduar "Kreshta të pastra", vijon. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme. Policia e Dibrës ju bën thirrje kryetarëve të fshatrave, inspektorëve të shërbimit pyjor dhe të gjithë atyre që ligji i ngarkon me përgjegjësi, që të bashkëpunojnë me Policinë e Shtetit në kontrollin e territorit për goditjen e paligjshmërisë. Ndërkohë Policia fton qytetarët që të denoncojnë çdo rast të paligjshmerisë, duke ju siguruar anonimatin dhe reagim të mënjehershëm e profesional.