Flash News

Dalin në shitje biletat për sfidën Angli-Shqipëri, ja si mund t’i merrni

Berisha: Kërkova hetim ndërkombëtar për 21 Janarin, por Ina Rama refuzoi, përgjegjësinë e ka Rama

Abuzimi me tenderin e rrugës Kardhiq-Delvinë, SPAK kërkon një vit burg Sonila Qaton

Parandalohet një ngjarje kriminale në Durrës, arrestohen tre persona me armë dhe automjete të blinduara

Përfshihet nga flakët qendra tregtare në Vorë

KRYESORE

Kur krimi ‘ha kokat’ e të pafajshmëve...

Politiko 31 Tetor 2024, 10:06

Tre të vdekur dhe një i plagosur është bilanci i masakrës në Dobraç, një zonë e njohur si bastioni i Bajrëve të Shkodrës.

Hamza Liçi, vëllai i Ibrahim Liçit, Arlind Bushati dhe Flutura Basha, kalimtare e rastit humbën jetën pas atentatit mafioz që dyshohet se kishte në shënjestër Bushatin. I plagosur rëndë mbeti Bashkim Basha, bashkëshorti i Fluturës.

Çifti i bashkëshortëve po kthehej nga puna. Ata punonin tokat e tyre bujqësore për të siguruar jetesën e familjes. Dje, krimi, i mori jetën nënës dhe la të plagosur rëndë babanë, prindër të tre fëmijëve që sot, rrezikojnë të mbeten jetimë pa pasur faj.

Por, kjo nuk është hera e parë që krimi merr jetën e njerëzve të pafajshëm.

Enea Thomaraj, 29 vjeç, vdiq pak javë më parë pasi prej disa muajsh luftonte me jetën në koma. Thomaraj mbeti i plagosur rëndë pas shpërthimit me eksploziv në banesën e Xhovana dhe Alda Nikolli në Elbasan. I riu u vra krejt rastësisht teksa ndodhej brenda banesës së tij dhe po kalonte nga dhoma në tualet. Nga shpërthimi mori plagë të rënda në kokë, duke i kushtuar jetën.

Porositës i atentatit ndaj motrave Nikolli dyshohet se është i penduari i drejtësisë, Nuredin Dumani, pas një konflikti virtual me Xhovana Nikollin.

Mimoza Paja, mbeti e vrarë në atentatin mafioz në lokalin e Fatjon Muratit në mars të vitit 2023 në zonën e Don Boskos. Plumbat i morën jetën Pajës e cila punonte si banakiere dhe kameriere, ndërsa plagosën mbesën e saj 10-vjeçare, xhaxhain e Fatjonit, Sahit Murati, por edhe klientët në lokal, Astrit Meraj, Emanule Sala, Ermir Bejuku dhe Genc Shohalli.

Më 21 korrik 2024, në një lokal në Memaliaj, dy persona të pafajshëm, Gledio Muka (kamarier) dhe Marsel Çela (klient), humbën jetën në një atentat që kishte shënjestër babain e Andrea Kalemit, një emër i njohur i policisë dhe që i ka shpëtuar disa atentateve.

Historia më e trishtë është ajo e Myzerim Zenelit, një 20-vjeçar që humbi jetën në ditën e tij të parë të punës në Velipojë. Zeneli mbeti i vrarë nga plumbat që shënjestër kishin Xhovani dhe Edmond Gocajn, 25 dhe 38 vjeç të cilët mbetën të vdekur. Nga atentati u plagosën Hasan Ferracaku dhe Elmedin Tyli, 17 vjeç.

Nëna e Myzerinit e mësoi vrasjen e të birit në mënyrë tragjike. Ajo punonte në morg kur atë ditë do t’i mbërrinte trupi i pajetë i të birit. Atentati që çoi në vrasjen e Myzerinit të pafajshëm erdhi pas një sherri për shezlongët.

Parullat "kokat hëngshin dhe mos u ngopshin duke ngrënë kokat e njëri-tjetrit" që kryeministri Rama shpalosi, duket se po ndjek kahun e gabuar. Shpërfillja që kryeministri i bëri përplasjes së bandave duket se është kthyer në kambanë alarmi për qytetarët pasi krimi po "ha" kokat e njerëzve të pafajshëm.