Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kushi: Hapen aplikimet për praktikat e punës për 2 mijë të rinj, 200 më të mirëve do t'u ofrohet kontratë 1-vjeçare

Politiko 9 Korrik 2021, 10:39

Kushi: Hapen aplikimet për praktikat e punës për 2 mijë

Këtë të premten janë hapur aplikimet për praktikat e punës për 2 mijë të rinj e të reja në të gjithë Shqipërinë. Lajmin e ka bërë me dije ministrja e Arsimit Evis Kushi përmes një postimi në rrjetet sociale.

Aplikimet mund të bëhen nëpërmjet faqes www.praktika.arsimi.gov.al dhe do të qëndrojnë të hapur deri më datën 31 Korrik. Kjo thirrje vlen për të gjithë të diplomuarit mes moshës 21-26 vjeç.

Praktika do të zhvillohen mes datave 16 Gusht – 16 Nëntor të këtij. Sipas ministres së Arsimit, 200 praktikantëve me  performancë më të mirë do t’i ofrohet një kontratë 1-vjeçare.

"Sot kam një lajm të mirë për të gjithë të diplomuarit nga mosha 21 deri në 26 vjeç, nga të gjitha bashkitë e vendit. Sapo kemi shpallur në faqen zyrtare të Ministrisë së Arsimit thirrjen e 6-të të Programit Kombëtar të Praktiva të Punës, e cila do të qëndrojë e hapur deri në datën 31 Korrik.

Janë 2 mijë vende praktike të profileve të ndryshme, për të cilat u jemi shumë mirënjohës të gjitha institucioneve që i janë bashkuar kësaj thirrjeje, duke filluar nga institucionet qendrore, ato të vetëqeverisjes vendore, institucionet e pavarura apo edhe shoqëritë e ndryshme tregtare. Këto praktika do të zhvillohen mes datave 16 Gusht – 16 Nëntor të këtij viti dhe 200 praktikantëve me  performancë më të mirë do t’i ofrohet një kontratë 1-vjeçare.

Unë jam e kënaqur që dhe në ministrinë tonë kemi plot përfitues nga thirrjet e kaluara të programit të praktikave, që sot i kemi koleg e bashkëpunëtorë shumë të mirë, duke na sjellë më shumë dinamizëm dhe frymë pozitive.

Përgjatë 5 thirrjeve të shkuara të këtij programi, janë rreth 3 mijë të rinj e të reja që kanë realizuar praktikë 3-mujore, ndërkohë që 1 mijë më të mirët kanë përfituan kontratë 1-vjeçare. Apliko dhe ti, mos e humb këtë mundësi.” shprehet ministrja Kushi në video-mesazh.

Të fundit