Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

Kuvendi i përjashtoi nga aktivitetet/ Gazetarët në protestë: Parlamenti të tërhiqet, ky vendim nuk i shërben transparencës

Politiko 9 Qershor 2021, 10:02

Kuvendi i përjashtoi nga aktivitetet/ Gazetarët në protestë:

Gazetarët protesuan para Kuvendit pak para nisjes së seancës plenare, ku do të votohet për shkarkimin e Presidentit Ilir Meta. Gazetarët kundërshtojnë vendimin e Kuvendit për t'i pëjashtuar ata nga aktivitetet parlamentare. Duke e cilësuar si një cënim të lirisë së medias, ata i bënë thirrje Kuvendit që të tërhiqet nga ky vendim.

Ata firmosën një draft-kërkesë, të cilën thanë se do ia dërgojnë Kuvendit, ambasadave, OSBE-së, Avokatit Të Popullit, Kryeministrisë, dhe Presidentit.

"Akreditimi do të thotë barazi për të gjithë. Do të thotë që dua t’i shoh vetë ato që transmetoj. Ndërkohë që ne me këtë vendim duhet të izolohemi. Kam marrë telefonata të ndryshojmë të anëtarëve të Byrosë që thonë se nuk kanë marrë pjesë në këtë, por ky nuk është faji ynë sepse ata mund të jenë duke gënjyer. Nuk dua të transmetoj diçka të kontrolluar nga një organ shtetëror”, u shpreh gazetarja Esiona Konomi.

Ndërkohë gazetari Mariglen Kume deklaroi se kjo nuk ndodh as në institucionet e larta të BE-së. Ai shtoi se kjo nuk i shërben transparencës.

“Në BE na bëhej vetëm nje check-in pastaj ne kishim të drejtë të merrnim në intervista këdo që ishte në interes të publikut. I bëj thirrje të tërhiqen pasi nuk është në shërbim të transparencës”, tha ai.

Si mund të japin llogari të gjithë parlamentarët që do të jenë në shtator? Ishte kjo pyetja që ngriti gazetarja Fjorela Beleshi, ndërsa u shpreh se ky vendim u mor  nga disa deputet që nuk u votuan nga populli. 

Të fundit