E-TJERA

Kuvendi mblidhet në një seancë maratonë/ Pritet miratimi i buxhetit 2022, PD ka paralajmëruar se do të votojë kundër

Kuvendi mblidhet në një seancë maratonë/ Pritet miratimi i

Kuvendi do të mblidhet sot në orën 10.00 dhe pritet të jetë një seancë maratonë, ku do të miratohet buxheti i vitit 2022 dhe paketa fiskale.

PD ka paralajmëruar se nuk do votojë pro buxhetit, duke u shprehur se nuk është në interes të qytetarëve, por të një grupi të caktuar njerëzish.

Kujtojmë që diskutimet për këtë projektligj janë shoqëruar me debate mes palëve, pasi mazhoranca e ka cilësuar si buxhet historik.

Qeveria ka parashikuar të shpenzojë rreth 637 miliardë lekë, ndërsa të ardhurat janë  536 miliard lekë. Pra llogaritet që defiçiti buxhetor të jetë mbi 100 miliardë lekë. Një ditë më parë u emetua mes shumë kritika për rritje të borxhit publik, eurobondi prej 650 milionë eurosh.

Pikat kryesore të rendit të ditës janë:

- Projektligj “Për një shtesë dhe disa ndryshime në ligjin nr. 92/2014 “Për tatimin mbi vlerën e shtuar në Republikën e Shqipërisë” të ndryshuar””. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

- Projektligj “Për disa shtesa në ligjin nr. 9975, datë 28.7.2008 “Për taksat kombëtare” të ndryshuar””. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

- Projektligj “Për një ndryshim në ligjin nr. 8438, datë 28.12.1998 “Për tatimin mbi të ardhurat” të ndryshuar””. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

- Projektligj “Për disa ndryshime dhe shtesa në ligjin nr. 61/2012 “Për akcizat në Republikën e Shqipërisë” të ndryshuar””. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

- Projektligji “Për buxhetin e vitit 2022”. (Neni 78 i Kushtetutës dhe nenet 55, 84 dhe 73-77 të Rregullores, shumicë e thjeshtë votash për miratim)

- Projektligj “Për ratifikimin e marrëveshjes së financimit, ndërmjet Republikës së Shqipërisë, përfaqësuar nga Këshilli i Ministrave, Republikës së Maqedonisë së Veriut, përfaqësuar nga Sekretariati për Çështjet Evropiane dhe Komisionit Evropian, për programin e Veprimit të Bashkëpunimit Ndërkufitar IPA II, Maqedoni e Veriut – Shqipëri

- Projektligj “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut për ngritjen e pikave të përbashkëta të kalimit kufitar ndërmjet Republikës së Shqipërisë dhe Republikës së Maqedonisë së Veriut”. (Neni 121, 122 i Kushtetutës dhe nenet 55 dhe 73-77 të Rregullores, shumicë e cilësuar votash për miratim: absolute)

- Projektligj “Për ratifikimin e marrëveshjes ndryshuese me shkëmbim notash të marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Italisë për zbatimin e programit për përgatitjen e studimeve të fizibilitetit dhe hartimit në nivel përfundimtar dhe studimin e impaktit mjedisor në sektorin e infrastrukturave, ratifikuar me ligjin nr. 86/2016”. (Neni 121, 122 i Kushtetutës dhe nenet 55 dhe 73-77 të Rregullores, shumicë e cilësuar votash për miratim: absolute)

- Projektvendim “Për shqyrtimin me procedurë të përshpejtuar të projektligjit “Për ratifikimin e  marrëveshjes kuadër të huas, ndërmjet Këshillit të Ministrave të Republikës së Shqipërisë dhe Bankës për Zhvillim të Këshillit të Evropës për mbështetjen e përpjekjeve të Republikës së Shqipërisë për zbutjen e pandemisë Covid-19”. (Neni 83 dhe 78 i Kushtetutës dhe nenet 55 dhe 28 të Rregullores, votim i hapur, shumicë e thjeshtë votash për miratim)

- Projektvendim “Për një shtesë në vendimin nr. 79/2021 “Për ngritjen e komisionit hetimor të Kuvendit “Për kontrollin e veprimtarisë së organeve të administratës publike dhe pushtetit vendor, për të verifikuar përdorimin e burimeve të administratës shtetërore për qëllime elektorale në zgjedhjet e 25 prillit 2021”. (Neni 78 i Kushtetutës dhe nenet 55 dhe 21/1 të Rregullores, votim i hapur, shumicë e thjeshtë votash për miratim)

- Projektvendim “Për një shtesë në vendimin nr. 70/2021 “Për caktimin e anëtarëve zëvendësues në përbërjen e komisioneve të përhershme”. (Neni 78 i Kushtetutës dhe nenet 55 dhe 21/1 të Rregullores, votim i hapur, shumicë e thjeshtë votash për miratim)

Të fundit