Flash News

Zyra sekrete e patronazhistëve të PS, mes tyre drejtoresha e Agjencisë së Ekselencës

Me kapuç në kokë/ PD publikon videon e patronazhistëve që ikin me vrap

Zgjedhjet 2025, përfundon zyrtarisht orari i votimit

Tensione te streha e patronazhistëve në Tiranë, Braçe shpërthen në kërcënime, policia rri duarkryq

U procedua penalisht, reagon Flamur Noka: Preka interesat e mafies së pushtetit në Vorë

E-TJERA

Kuvendi pritet të nisë punën/ Deputët që hoqën dorë nga mandati pas 25 prillit, kush do t'i zërë karriget e tyre

Politiko 2 Shtator 2021, 10:19

Kuvendi pritet të nisë punën/ Deputët që hoqën

Më 10 shtator do të nisë punën Kuvendi i dalë nga zgjedhjet e 25 prillit, ku PS mori 74 mandate, PD mori 59 deputetë, LSI arriti të siguronte 4 dhe PSD e Tom Doshit mori 3.

Pas zgjedhjeve të 25 prillit pesë deputetë kanë dhënë dorëheqjen. Ishte Tom Doshi, i pari që hoqi dorë nga mandati i deputetit, një ditë pas zgjedhjeve të përgjithshme. Ai u zëvendësua në Kuvend nga Jetmira Raboshta.

Në Kongresin e PS pas zgjedhjeve të 25 prillit, Gramoz Ruçi njoftoi largimin nga politika. Pas largimit të tij, mandatin e mori Mirela Pitushi.

Shefja e Infektivit Najada Çomo, e cila u rendit e dyta në listën e PS në Tiranë hoqi dorë nga mandati rreth një javë më parë.

Ishte  kryeministri Edi Rama që njoftoi se Çomo i kishte paraqitur dorëheqjen dhe se kishte zgjedhur të vazhdonte punën në spital. Mandatin e Çomos pritet ta marrë Mimi Kodheli, e cila ishte renditur e 21-ta në listën e PS-së.

Por largimet nga PS para se të nisë punën Kuvendi i ri nuk mbarojnë me kaq. Një ditë më parë ishte Lefter Koka, ai që hoqi dorë nga mandati i deputetit.  Karrigen e tij në Kuvend do ta zërë Denis Deliu, ish-oficer i forcave speciale të Forave të Armatosura dhe përfaqëson zonën e Krujës dhe të Fushë Krujës.

Një tjetër zëvëndësim në listën e PS është ai i Bashkim Finos, i cili humbi jetën si pasojë e Covid-19. Gentiana Cakrani do të jetë zëvëndësuesja e Finos në Kuvend.

Largimet nuk munguan as nga kampi opozitar. Në fund të muajit gush ishte Mark Marku, drejtuesi politik i Qarkut të Lezhës, që njoftoi dorëheqjen nga mandati. Ai u largua edhe nga Këshillit Kombëtar i selisë blu. Elda Hoti do të shkojë në Kuvend në vend të Markut.

Një ditë më parë, presidenti Ilir Meta dekretoi datën e seancës së parë e legjislaturës së X-të të Kuvendit të Shqipërisë, pavarësisht pretendimeve për zgjedhje jo të rregullta.

Të fundit