"Ky me E të bën magji", Rama i lexoi filxhanin, Kryemadhi: E-ja dhe L-ja kokën hëngshi, prit serinë e radhës

Kryeministri Edi Rama ka ironizuar kryetaren e LSI-së përmes një video-montazhi të publikuar në rrjetin social Instagram. Kreu i mazhorancës ka përdorur pamjet nga studio e emisionit "Opinion", ku Kryemadhi denoncoi aferën e inceneratorit të Tiranës, dhe e ka shfaqur kryetaren e LSI-së si një fallxhore.

Krahas videos Rama ironizon dhe me tekst ku shkruan: "Ke një rrugë... është një me E që të bën magji... Qenka edhe një L që flet pas kurrizit tënd me këtë me E... Po ky me I ky kush është ky motra(?) ke një me I që vika vërdallë natën në lagje... Ja prit prit... Mos u mërzit..."

Ndërkohë që e menjëhershme ka qenë dhe përgjigjia e Kryemadhit ndaj kreut të qeverisë, i cili i lexoi filxhanin.

Në një postim në InstaStory Kryemadhi shkruan:

"Pas E-së dhe L-së që përmendte kryeministrin në fallin e tij, Kryemadhi shkruan: “Sa për E(rionin) dhe L(efterin), kokën hëngshi se i more vetë në qafë…

Duro Edi, duro…. se ato letrat në tokë do të hedhin përtokë.

Ke miratuar një vendim qeverie me kosto 400 milionë euro për taksat e shqiptarëve, duke pasur edhe ministrat tuaj kundër.

Sa për E(rionin) dhe L(efterin), kokën hëngshi se i more vetë në qafë…

Prit se s’ke parë akoma serinë e radhës…"