Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Laboratori fantazmë i sigurisë ushqimore në Universitete", skandali që u denoncua nga media 3 vjet më parë

Politiko 25 Shkurt 2025, 17:15

"Laboratori fantazmë i sigurisë ushqimore në

Gazetari Flamur Vezaj ka rikthyer në vëmendje denoncimin e publikuar nga mediat tri vjet më parë pak pasi Prokuroria e Posaçme ka lëshuar 24 masa sigurie për stafin e Universit Bujqësor të Tiranës, të akuzuar për abuzime me tendera.

Ai thekson në rrjetet sociale se një projekt i AKSHI-t, me vlerë rreth 275 milionë lekë të vjetra, premtoi krijimin e një qendre laboratorike për sigurinë ushqimore dhe shëndetin e kafshëve, e cila supozohej të funksiononte pranë Universitetit Bujqësor të Tiranës, por ky laborator nuk ka prodhuar asnjë analizë ushqimore, pasi asnjë pajisje funksionale nuk është blerë për këtë qëllim.

Sipas tij, SPAK kujtohet të veprojë në 2025-ën, ndonëse gazetarja Anila Hoxha e kishte denoncuar këtë rast që në 2022-in.

"Një projekt i AKSHI-t, me vlerë rreth 275 milionë lekë të vjetra, premtoi krijimin e një qendre laboratorike për sigurinë ushqimore dhe shëndetin e kafshëve, e cila supozohej të funksiononte pranë Universitetit Bujqësor të Tiranës. Në realitet, ky laborator nuk ka prodhuar asnjë analizë ushqimore, pasi asnjë pajisje funksionale nuk është blerë për këtë qëllim.
Çfarë u ble në vend të pajisjeve të nevojshme?
• Blender frutash – 600 mijë lekë copa, dy të tillë për 1.2 milionë lekë.
• Dollapë për reagentët (pa aspirim, thjesht dollapë) – dy të tillë për 1.728 milionë lekë.
• Pajisje të modelit të vjetër (të papërdorshme për shkak të mungesës së kiteve në treg) – 8.7 milionë lekë.
• Pajisje laboratorike që nuk ka kryer asnjë analizë për shkak të kostove të larta të reagentëve – 93.6 milionë lekë, aktualisht jashtë funksionit.
• Mikroskopë – 3 milionë lekë secili.
• Konxhelator (frigorifer ngrirës) – 5.76 milionë lekë (i vetmi që funksionon).
• Vorteks (përzierës tretësirash) – 1.5 milionë lekë secili.
• Banjo Maria – 1.5 milionë lekë.
Një laborator që ekziston vetëm në letër (me modelin e inceneratorit) në vend që të shërbente si qendër reference për analizat veterinare dhe sigurinë ushqimore në Shqipëri, ky laborator nuk është gjë tjetër veçse një fasadë bosh, e vizatuar në avull nga drejtuesit e Universitetit Bujqësor mes tyre bashkëshorti zv/ministres së Rilindjes, patronazhistë etj!
Mirë laboratori nuk ekziston, pajisjet janë të papërdorshme, por edhe lista e pagave tregon se persona fantazmë po marrin rroga akoma, ndonëse ky laborator nuk funksionon fare!
Aktualisht ekziston vetëm një dhomë për sigurinë ushqimore, e cila nuk plotëson as standardet minimale për analiza, qoftë nga infrastruktura apo ndarja e saj për produkte ushqimore.
Dhe SPAK kujtohet të veprojë në 2025-ën, ndonëse gazetarja Anila Hoxha e kishte denoncuar këtë rast që në 2022-in…
Natën e mirë, 275 milionë lekë, kudo që të jeni dhe shihemi në “gjyqin popullor” nga selia e komitetit qendror (Kuvendi) neser", shkruan Vezaj.