Lajmëtarët e Vitit të Ri, njihuni me bebet e para të pesë viteve të fundit

Pas ndërrimit të viteve, lajmi kryesor është bebja e parë që vjen në jetë. Ata janë padyshim fëmijët e ‘përkëdhelur’ nga fati, pasi së bashku me Vitin e Ri festojnë edhe ditëlindjen.

Ne kemi zgjedhur disa nga fëmijët e viteve të fundit që kanë ardhur në jetë bashkë me Vitin e Ri.

Fëmija i parë i vitit 2022 ishte djalë dhe quhet Akid. Ai lindi në peshën 3 kg e 680 gram. Lindja ishte me operacion për shkak të disa komplikacioneve. Një minutë pas ndërrimit të viteve lindi dhe Aiden në maternitetin Koço Gliozheni.

Ndërsa viti 2021 erdhi me dy vajza, të cilat lindën një minutë pas ndërrimit të viteve, njëra në maternitetin ‘Mbretëresha Geraldinë’ dhe tjetra te ‘Koço Gliozheni’ në Tiranë.

Edhe në vitin 2020, fëmija e parë ishte një vajzë. Në spitalin "Mbretëresha Geraldinë" erdhi në jetë Emel. Pak pas saj, erdhi në jetë një djalë. Të dy fëmijët gëzonin shëndet të plotë.

Elis ishte fëmija i parë që erdhi në jetë në vitin 2019. Ai lindi mbi 3 kilogramë.

Ndërsa bebja e parë në vitin 2018 ishte djalë. Laeli, një beb i shëndetshëm, plot 4 kg e 100 gr, lindi në 10 sekondat e para te vitit 2018, duke gëzuar dy prindër të rinj. Ndërsa në 12:01 lindi Nadia në maternitetin “Mbretëresha Geraldinë”.