Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Lala: Dyshime se dy politikanë socialistë përdorën SKY ECC, SPAK ka kërkuar informacion në Francë

Politiko 27 Dhjetor 2024, 09:33
Lala: Dyshime se dy politikanë socialistë përdorën SKY ECC,

Gazetarja Klodiana Lala komentiu rastet në goditjen e krimit të organizuar.

Në “Të Paekspozuarit” deklaroi se SPAK ka kërkuar informacion për dy politikanë socialistë që dyshohet se kanë përdorur SKY ECC. 

Klodiana Lala: Ish-presidenti i arrestuar, Berishën e ke nën akuzë, zotin Beqaj e ke pas hekurave, zotin Ahmetaj e ke në arrati, zotin Veliaj e ke nën hetim. A ka shumë për të bërë? SPAK nuk ka treguar pavarësi te inceneratori i Tiranës se janë 140 milionë euro dhe ka përgjegjës. Nja 16-17 kryetarë bashkish. Zoti Ndreca dhe zonja Xhaçka janë nën hetim.

Prokuroria dhe SPAK kanë patur sukses në goditjen e krimit të organizuar. Siç janë Metamorfoza me grupin kriminal Bajri, Plarent Dervishaj te banda e Durrësit, Durim Bami i konsideruar si i forti i Niklës, Arben Ndoka ish-deputet socialist, organizata kriminale e Suel Çelës me lidhje të forta me të gjitha qelizat e qeverisë, Elton Reçi i një grupi kriminal në veri të vendit; grupi i Troplinëve në Shkozet; Aleksandër Laho ose i njohur si Rrumi i Shijakut; Çopja-Alibeaj në qytetin e Elbasanit, por që e kanë patur aktivitetin jashtë. Ke edhe goditjen e Jurgis Çyrbjas.

Në të gjitha këto raste që unë ju përmenda direkt apo indirekt mund të përfliten politikanë. SPAK sa i përket SKY ECC ka mbajtur këtë qëndrim: deri tani ka dërguar për akuzë zyrtare ose ka firmosur masa sigurie për ata që kanë përdorur direkt aplikacionin dhe të dhënat e përftuara janë përputhur me të dhëna dhe prova të tjera. Është rasti Çyrbja, janë kërkuar kodet. Në dijeninë time, nuk mund të them emra për shkak të sekretit hetimor, kanë kërkuar të dhëna për dyshime, se të paktën dy politikanë mund ta kenë përdorur. Është kërkuar informacion në Francë përmes letër-porosive nëse janë ata sepse duhet bërë identifikimi, janë socialistë.

Të fundit