Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

E-TJERA

Legalizimi i kanabisi, Alimehmeti: Fillimisht duhen baza shtetformuese, t’i vëmë gishtin kokës

Politiko 18 Korrik 2023, 22:46

 Legalizimi i kanabisi, Alimehmeti: Fillimisht duhen baza shtetformuese,

Mjeku epidemiolog Ilir Alimehmeti duke folur për projektligjin për legalizimin e kanabisit mjekësor në “Frontline” në “News 24”,  tha se nuk ka një studim apo vizion përse duhet të prodhohet në Shqipëri. Sipas tij, në fillim duhet të ngremë baza të forta shtetformuese.

“Sa herë të kemi një disbalancë pushteti, do e vuajë në kurriz populli vetë, që e krijon me veprimet dhe mos veprimet e veta. Kanabisi mjekësor është një temë që rrihet në forume mjekësore. Ka dy përbërës, një përbërës që shkakton problematikat, varësinë dhe një përbërës tjetër që ka efekte mjekësore. Këtë e njohim, sepse ne njohim morfinën. Ka shumë sëmundje që mund të përfitojnë nga ky përbërës. Ka dhe një grup sëmundjesh që mund të përdoret si preparat. Nuk ka një studim sa të sëmurë kanë nevojë dhe pse nuk i marrim dot nga jashtë. Pse duhet canabis made in Albania duhet të pyesni ata.

Sa kontribuon sot shteti shqiptar që të largojë njerëzit nga droga? Pothuajse hiç, sepse nuk e pranon atë që ndodh. Kemi një numër shumë të madh shqiptarësh që janë të varur nga drogat e rënda, por nuk flitet fare. Jemi një shtet që s’ka problem, apo që e ka problem të madh? Çdo shqiptar duhet t’ia bëjë pyetjen vetes. Në momentin që bën një lëvizje të tillë, dhe nga ana tjetër nuk pranon asnjë nga situatat e tjera, atëherë nuk bën detyrën tënde të shtëpisë.

Kemi një problem si shoqëri dhe duhet t’i vëmë gishtin kokës. Në fillim duhet të ngremë baza të forta shtetformuese, duhet të ketë një vizion”, tha Alimehmeti

Të fundit