Flash News

SHBA i kërkon Serbisë të tërheqë trupat ushtarake nga kufiri me Kosovën

Milan Radoiçiç dorëhiqet nga posti i nënkryetarit të Listës Serbe

3 atentate në 2 ditë, Rrumbullaku firmos emërime dhe shkarkime për disa drejtues

Berisha: Akti terrorist i falangave Serbe kishte një sfond të parapërgatitur nga Rama dhe Vuçiç

Dyshohet se u vra nga burri, ja çfarë shkruante Klodiana në rrjetet sociale

E-TJERA

Lejoi shfaqjen e filmit shqiptar, Policia e Vuçiçit ndalon drejtorin e Kulturës

Politiko 10 Qershor 2023, 09:49

Lejoi shfaqjen e filmit shqiptar, Policia e Vuçiçit ndalon

Policia serbe ka ndaluar sot, Drejtorin e Shtëpisë së Kulturës në Bujanoc të Serbisë, Jetmir Ismailin.

Ndalimi i tij ka ardhur pasi ai ka dhënë miratimin për shfaqjen e dy projekteve filmike të përkrahura nga Qeveria e Republikës së Kosovës dhe Këshillit Kombëtar Shqiptar. Filmat “Heshtja që vret” dhe “I pabesi” duhet të shfaqen sot, më 10 qershor në Bujanoc.

Lajmin e dha mbrëmjen e së premtes, Nevzad Lutfiu, koordinator i Shtëpisë së Kulturës në Bujanoc, Serbi, i cili i bëri thirrje faktorit ndërkombëtar të reagojë ndaj këtij akti të Policisë serbe.

Në njoftimin e shoqëruar me fotografi, z. Lutfiu shprehet:

“Sot, policia serbe me urdhër të prokurorit, kanë marrë në shtëpinë e tij në Nesalcë, drejtorin e Shtëpisë së Kulturës, Jetmir Ismailin. Ai për momentin është duke u mbajtur në stacionin policor në Bujanoc.

Sipas familjarëve, ai është marrë në stacionin policor për t’u intervistuar rreth shfaqjes së një filmi të metrazhit të shkurtër, i cili është mbështetur nga Qeveria e Kosovës nëpërmjet Këshillit Kombëtar Shqiptar e që drejtori i Shtëpisë së Kulturës në Bujanoc i ka dhënë leje që të bëhet promovimi i tij nesër po në Shtëpinë e Kulturës në Bujanoc.

Ky presion dhe këto metoda ndaj shqiptarëve po dëshmojnë se Serbia nuk e dëshiron paqen dhe të ardhmen në Ballkan.

Skenarët me presione të tilla ndaj institucioneve dhe ndaj shqiptarëve janë të papranueshme dhe ftojmë të gjithë faktorët kombëtarë e ndërkombëtar që të dënojnë këtë veprim të policisë serbe sidomos ndaj rasteve të tilla e sidomos ndaj rastit të sotshëm”.

Të fundit