Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

E-TJERA

Lek i ri apo i vjetër? Banka e Shqipërisë ndërmerr fushatë për çrrënjosjen e dy termave

Politiko 17 Nëntor 2021, 17:22

Lek i ri apo i vjetër? Banka e Shqipërisë ndërmerr

Foto Ilustruese

All - Paragraf - 1

Ndodh shpesh që termat ‘lek i vjetër’ dhe ‘lek i ri’ të ngatërrohen. Jo të gjithë arrijnë të bëjnë dallimin dhe diferencën mes të dyjave.

Banka e Shqipërisë ka ndërmarrë një fushatë ndërgjegjësimi, pikërisht në kuadër të ‘keqkuptimeve’ që ndodhin me lekun. Me moton “As i vjetër e as i ri, jam thjesht Lek!”, do të punohet për të hequr nga gjuha e përditshme dy termat që i referohen lekut: i ri dhe i vjetër.

All - Paragraf - 3

“Të gjithë ne jemi të ndërgjegjshëm, se për fat të keq, kjo ndodh rëndom jo vetëm në komunikimin e përditshëm të qytetarëve me njëri-tjetrin, por edhe në marrëdhëniet e tyre ekonomike dhe financiare, duke u kthyer kështu në burim për keqkuptime të qëllimshme ose jo”, u shpreh guvernatori i Bankës së Shqipërisë Gent Sejko.

Megjithëse edhe institucionet financiare dhe administrata publike nuk i ka shpëtuar përdorimit të këtyre termave, Sejko shprehet se emërtimet hasen më shumë në familje, në pikat e tregtisë me pakicë si edhe në transportin publik.

“Rezultatet e mbledhura nga anketa tregojnë se të vendosur përballë një kartëmonedhe 500 Lekë më shumë se gjysma (54%) e të intervistuarve instinktivisht e lexojnë apo e identifikojnë gabim vlerën e saj, duke i shtuar një 0 për ta kthyer në “lek të vjetër”. Nga ana tjetër, të dhënat dëshmojnë se komunikimi i gabuar i vlerës së lekut ndodh shumë më rrallë në institucione financiare (banka, jo-banka etj.) me vetëm 28.1%, apo në zyra të administratës publike (39.4%), megjithëse mund të pritej që këto shifra të ishin edhe më të ulëta”, tha guvernatori.

Sejko nuk përjashtoi as mediet. Bazuar në një anketë të Bankës së Shqipërisë, 20% e qytetarëve thonë se mediat shpesh i komunikojnë çmimet me lekë të vjetër.

“Kjo përqindje, megjithëse e ulët, nxjerr në dritë nevojën për më shumë përfshirje të mediave në përpjekjen për ta zhdukur plotësisht këtë fenomen, veçanërisht duke pasur parasysh detyrimin e saj për përcjelljen e informacionit të vërtetë dhe të saktë tek publiku, si dhe rolin edukativ të saj”, pohoi Sejko.

I bindur që kjo fushatë ndërgjegjësimi do të kërkojë shumë kohë për të dhënë rezultat, Sejko kërkoi që të gjitha institucionet dhe media të bashkëpunojë për çrrënjosjen e termave “i ri” apo “i vjetër”.