Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

E-TJERA

Lëkundet turizmi në mars, të huajt ranë me 2.7 për qind

Politiko 25 Prill 2025, 14:31

All - Paragraf - 1

Turizmi ka pësuar lëkundjen e parë këtë vit kur në mars 2025 të huajt që vizituan vendin pësuan një rënie me 2.7 për qind krahasuar me marsin e vitit 2024. Pavarësisht kësaj uljeje të lehtë tendenca e shifrave konfirmon se Shqipëria mbetet një destinacion edhe i pakonsoliduar në aspektin turistik diçka që vë theksin tek kujdesi që duhet të tregohet sa i takon menaxhimit sektorial.

All - Paragraf - 3

Të dhënat zyrtare të Lëvizjes së Shtetasve tregojnë se në mars ishin mbi gjysmë milionë të huaj që vizituan vendin.

“Gjatë muajit Mars 2025, rezultojnë të kenë hyrë, në territorin e Republikës së Shqipërisë, 1.154.288 shtetas shqiptarë dhe të huaj. Ky tregues ka pësuar një rritje me 0,3%, krahasuar me Mars 2024. Nga territori i Republikës së Shqipërisë rezultojnë të kenë dalë 1.182.728 shtetas shqiptarë dhe të huaj, duke shënuar një rritje me 0,6%, krahasuar me të njëjtën periudhë të një viti më parë.

Në Mars 2025, numri i shtetasve shqiptarë që kanë hyrë në territorin shqiptar është 604.523, duke pësuar një rritje me 3,3%, krahasuar me Mars 2024. Numri i shtetasve të huaj që kanë hyrë në territorin shqiptar është 549.765. Ky numër është ulur me 2,7%, krahasuar me të njëjtën periudhë të vitit 2024”, thuhet në publikimin e INSTAT.

Sa i takon daljeve INSTAT konfirmon se në muajin Mars 2025, 621.777 shtetas shqiptarë numërohen të kenë dalë nga territori i Shqipërisë, duke shënuar rritje me 2,9%, krahasuar me Mars 2024. Daljet e shtetasve të huaj nga territori i Shqipërisë gjatë muajit Mars 2025, janë 560.951. Krahasuar me të njëjtën periudhë të një viti më parë, ky tregues është ulur me 1,9%.

Në Mars 2025, 95% e hyrjeve të shtetasve të huaj në Shqipëri janë nga rajoni i Evropës. Evropa Jugore zë 80 % të hyrjeve të shtetasve të huaj nga kontinenti Evropian, ndjekur nga Evropa Perëndimore me 7%.

Turizmi dhe pritshmëria 2025

Turizmi gjatë vitit 2025 pritet të ketë një ecuri pozitive me një rritje të ngjashme si në vitin 2024. Një rënie e lehtë në mars ndoshta sipas strukturave akomoduese lidhet me kushtet jo të favorshme të motit diçka që ka dekurajuar hyrjet e fundjavës dhe rezervimet e momenteve të fundit.

Gjithsesi më herët turosperatorët kanë bërë thirrje për kujdes lidhur me shërbimin dhe menaxhimin sektorial duke sjellë si shembull qershorin e një viti më parë kur rritja e beftë e çmimeve në disa rajone krijoi konfuzion dhe shkaktoi anulime.

Shqipëria mbetet një destinacion me interes dhe i promovuar gjerësisht qoftë për çmimet konkurruese qoftë për asetet natyrore dhe interesin kulinar që ka zgjuar tek të huajt por kjo duhet të shoqërohet me një shërbim cilësor dhe investime në infrastrukturë që e bëjnë më të lehtë eksperiencën turistike të vizitorëve./ Monitor