Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Lënia e vendimit të vulës deri vonë ishte e stisur”, Lubonja: PD nuk regjistrohet në KQZ nga paranojat e Ramës

Politiko 13 Mars 2023, 17:56

“Lënia e vendimit të vulës deri vonë ishte e

Analisti Fatos Lubonja deklaron se situata ku është përfshirë opozita është produkt nga ana e mazhorancës, e cila sipas tij ka në dorë institucionet ligjore, administratën dhe ekonominë.

I ftuar në studion e News24 në rubrikën “Opinion” Lubonja tha lidhur me regjistrimin e dy palëve të PD-së në KQZ për zgjedhjet e 14 majit se kryeministri Edi Rama ka dëshirë të ketë gjithë pushtetin dhe mund të ketë urdhëruar mos regjistrimin e asnjërës nga palët për shkak të “paranojave”.

“Sa i përket regjistrimeve ose kemi të bëjmë me Celibashin që nuk kërkon të shohë Alibeajn të shkojë në zgjedhje, ose Edi Rama është aq i pangopur në përçarje dhe eliminim sa thotë se këta nuk duhet të jenë fare në zgjedhje, asnjë grupim. Këtu nuk hyn vetëm arsyeja në lojë, hyn edhe paranojat që mund të ketë zhvilluar Rama. Hyn në lojë dëshira për gjithëpushtetshmëri dhe për të eliminuar këdo. Të dyja bashkë e çojnë deri në këtë, aq më shumë sa rri në pushtet të tjerët duken si miza dhe të pavlerë. Rama sigurisht ka frikë se ka bërë aq shumë gjëra, që edhe pse ka kapur gjykatat, ka një opozitë që i thotë. Ky ndoshta do të rrijë i qetë fare dhe i do të gjithë rrafsh. Pushteti absolut korrupton në mënyrë absolute.

Koalicioni PL-PD ka diçka pozitive, që e ka të qartë bashkimin e opozitës. Në këtë rast bashkimi vjen te figura e kandidatit që të dyja palët e mbështesin. Si parti kërkojnë në këshillat e tyre, më duket logjike dhe më efektive po të kemi parasysh se gjithë kandidatët për këshilltarë bashkiakë shumëzohen për dy, pasi ka nga të dyja partitë dhe do ketë më shumë njerëz që kërkojnë vota.

Shoh një mazhorancë që është gjithnjë e më arrogante në marrjen e hapësirave demokratike në vend. Lënia e vendimit të vulës deri vonë ishte e stisur. Kur arrin deri këtu puna, që ata kanë udhëzime për të mos lejuar as partitë e vogla, situata është serioze. Partitë e vogla duhet të gjenin mënyrën për t’u bashkuar te opozita e madhe. Duhet përcaktuar armiku në politikë, gjë tjetër të thuash janë edhe Berisha edhe Rama, por kur shikon që njëri po eliminon fare tjetrin dhe kërkon të mbetet i vetëm, armiku i madh mbetet ky. Rotacioni është i mirë, pushteti absolut që kërkon Rama korrupton në mënyrë absolute. Mund të gjendet një formulë edhe për ta. Sot nuk mund të thuhet që të dyja palët janë njësoj të këqija. Pyetja është se çfarë është demokracia”, tha Lubonja.