Flash News

Shkoi për të peshkuar, gjendet i vdekur i moshuari në Kuçovë

Tensionet në veri, Shefi i NATO-s: 700 forca shtesë në Kosovë

Pesë turistë çekë humbin rrugën në zonën turistike në Pogradec

Të shtënat me armë në Florida, nëntë persona të plagosur

Apeli i Borrell: Kosova të pezullojë operacionet policore në Veri

E-TJERA

“Letërporosi në disa shtete”, kreu i SPAK: Po vlerësojmë marrjen në pyetje të Ahmetajt. Kemi gjetur prova

Politiko 31 Mars 2023, 12:46

“Letërporosi në disa shtete”, kreu i SPAK: Po

Kreu i SPAK, Altin Dumani ka folur rreth hetimeve ndaj ish-ministrit dhe ish-zv.kryeministrit, Arben Ahmetaj, si i përfshirë në aferën e inceneratorëve.

Dumani ka thënë gjatë një takimi me gazetarët, se nuk do t’i marrin leje askujt për të thirrur Arben AHmetajn për të dëshmuar, në rast se është e nevojshme. Kreu i SPAK tha se janë gjetur prova të vlefshme dhe se kanë nisur letërporosi në disa shtete.

“Nuk i marrim leje kurrkujt e thërrasim këdo të jetë për ta marrë në pyetje, Arben Ahmetajn apo kushdo që të jetë. Kontrollet janë në dinamikën e hetimit ku grupi vlerësoi se në këto ambiente mund të gjendeshin prova. Kemi gjetur prova. Sekuestro është preventive, masë sigurie me qëllim që mos tjetërsohet pronësia. Në verifikim është çdo gjë. Kemi nisur letërporosi në shumë shtete jo vetëm në një shtet, kërkon kohë, ka që janë përgjigjur ka që janë në proces, hetimi përfshin çdo gjë (përfshirë edhe mundësinë e fshehjes së pasurisë jashtë). Patjetër që do e thërrasim Ahmetajn, nëse do e shikojmë të nevojshme”, tha Dumani.

Sa i përket Stela Gugalles e cila u raportua se është ndaluar në Austri, Dumani tha se nuk ka ende një përgjigje zyrtare nga ana e autoriteteve austriake.

“Nuk kemi përgjigje zyrtare nga autoritetet austriake për Stela Gugalljen. Thjesht dimë që ka një proces ekstradimi, por nuk dimë për vijimin e tij pasi janë autoritete të tjera që merren me procedurat”, shtoi Dumani.

Të fundit