Lezha dhe Durrësi mbulohen nga mjegulla, ç'thotë shërbimi meteorologjik

Lezha dhe Durrësi janë përfshirë nga një mjegull e dendur mbrëmjen e kësaj të premteje. Fillimisht ishte Lezha dhe më pas nga e njëjta situatë është përfshirë edhe Durrësi. Siç duket dhe nga fotot e mëposhtme këto qytete kanë marrë një pamje të pazakontë.

Shërbimi metereologjik Meteoalb, thotë se bëhet fjalë për një re pluhuri dhe rëre e cila ka ardhur nga  shkretëtirat e Afrikës veriore. Kjo re është ngjitur në Europën perëndimore dhe qendrore ndërsa dje ka zbritur në Alpet e Zvicrës, Austrisë dhe Italisë veriore.Pasi zbriti nga Alpet drejt Ballkanit, ajo preku sonte dhe Shqipërinë, kryesisht zonën bregdetare.

Fatmirësisht, mjegulla i ka përfshirë këto qytete pas orës policore dhe lëvizjet e mjeteve kanë qenë të rralla, pasi po të kishte qenë më herët, mjegulla do ishte bërë shkak për aksidente.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm