Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

"Lidhjet e Veliajt me Ndranghet-ën", Soko: Avokati i tij amerikan merr 10 mijë dollarë në orë

Politiko 10 Mars 2025, 22:38

"Lidhjet e Veliajt me Ndranghet-ën", Soko: Avokati i tij amerikan

Gazetari Pano Soko ka folur për procesin ndaj kryebashkiakut Erion Veliajt dhe ardhjen e një avokati amerikan, që do të shërbejë si konsulent për të.

I ftuar në MCN, Soko kritikoi Veliajn për angazhimin e një avokati të shtrenjtë amerikan, që merr 10 mijë dollarë në orë, duke e interpretuar këtë si një mesazh të fuqishëm ligjor. Ai përmendi gjithashtu akuzat për pastrim parash dhe lidhjet e Veliajt me projekte të mëdha, si Ndragetta dhe teatri, që përfshijnë qindra miliona euro.

"Ai duket se është i interesuar të qëndrojë në burg, sepse mënyra se si po sillet në këtë çështje është shumë e qartë. Akuza kryesore për të, që është intimidimi. Çfarë bën Erion Veliaj gjatë kësaj kohe? Ai intensifikon intimidimin deri në nivel personal, duke e bërë një gjest të drejtpërdrejtë ndaj prokurorit dhe duke i thënë në një status publik: “Shiko çfarë do të bëj unë”.

Nëse do të ishte dikush tjetër, i cili nuk ka pushtet, kjo mund të ishte kaluar thjesht si një formë retorike, nervozizmi i zakonshëm, por kur bëhet fjalë për një njeri me pushtet, gjyqtari patjetër që duhet ta marrë parasysh këtë. Ai e ka intimiduar publikisht.

Erion Veliaj është aktualisht në gjyq për vjedhje. Çfarë bën ai? Shkon dhe merr një ndër avokatët më të shtrenjtë të Amerikës. Vëllai i tij, i cili është pasuruar gjatë kohës kur ai ishte kryetar bashkie, është i lidhur me çështjen e këtij.

Ky është akuzuar gjithashtu për vjedhje dhe shkon dhe merr një ndër avokatët më të shtrenjtë të Nju Jorkut. Ky avokat është shumë i shtrenjtë, dhjetë mijë dollarë në orë. Tani, të kuptosh, dhjetë mijë dollarë për një orë është një shifër e madhe.

Ai e bën këtë si për të luftuar, si për të treguar se është në një betejë ligjore. Duhet parë si do të funksionojë kjo nëse ai është në burg. Kjo studio ligjore është e njohur për pagesa shumë të larta që i ka faturuar klientëve të saj, madje për shuma të fryra. Të shkojë me një nga studiot më të shtrenjta të Nju Jorkut është një mesazh i fuqishëm. Nuk ka gjyqtar që mund të mbyllë sytë para këtyre fakteve.

Erion Veliaj akuzohet për pastrim parash, dhe ka çështje që përfshijnë shumë miliona euro. Kjo përfshin investime dhe projekte të mëdha, si Ndrageta dhe teatri, me vlera që kalojnë qindra miliona euro. Të gjitha këto fakte janë të njohura dhe të dokumentuara. Erion Veliaj është përfshirë në këto çështje të pastrimit të parave dhe ka emrin e tij të lidhur me miliona euro.

Në historinë e demokracisë shqiptare, nuk ka pasur njeri më të akuzuar për korrupsion se Erion Veliaj. Gjyqtari i ka parasysh të gjitha këto fakte, dhe asnjë gjyqtar nuk mund të i mbyllë sytë para kësaj. Edhe nëse ata mundohen ta mbrojnë ose ta ruajnë, fatin e tij penal e ka të shkruar dhe do të shkojë aty ku i takon.

Kjo është një çështje që ka shumë më tepër se thjesht një luftë ligjore. Po flasim për përmasat e korrupsionit dhe ndikimin që ka mbi qytetarët dhe shoqërinë", tha Soko.