Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

Ligj i ri për shkencën? Marku: E shoh si lapsus, as Bashkimi Europian nuk e pranon

Politiko 11 Tetor 2024, 17:57

Ligj i ri për shkencën? Marku: E shoh si lapsus, as Bashkimi Europian

Qeveria shqiptare propozon një projektligj mbi riorganizimin e sistemit shkencor, ku institucionet vlerësuese të veprimtarisë shkencore do të jenë një Ministri e re dhe Akademia e Shkencave.

Në dokument planifikohet lindja e një Ministrie të posaçme, përgjegjëse për shkencën dhe kërkimin shkencor, si dhe krijimi i një organi këshillimor pranë kryeministrit në emrin Këshilli Kombëtar për shkencën dhe kërkimin shkencor. 

Pasi është njohur me projektligjin e shkencës, hartuar nga Ministria e Arsimit dhe e Sportit, dekani i Fakultetit të Historisë dhe Filologjisë, Mark Marku, deklaron se ligji shkel hapur autonominë e univeristeteve për kërkimin shkencor. Ai fuqizon Akademinë e Shkencave për të kontrolluar shkollat e larta.

Duke shpresuar se është thjesht një lapsus i Ministrisë së Arsimit dhe Sportit, dekani i Fakultetit Filologjik propozon bllokimin e projektligjit. Sipas profesor Mark Markut, nevojitet hartimi i një drafti të ri që realisht do t’u nevojitet universiteteve, por edhe plotësimit të standarteve të Bashkimit Europian.

“Nëse ky draft miratohet, nuk do të kalojë vlerësimin e Bashkimit Europian”, theksoi Marku në A2 CNN. 

Dekani i fakultetit ka edhe një qëndrim në lidhje me krijimin e Këshillit Kombëtar të Shkencës, i cili ka shumicë politike dhe drejtohet nga kryeministri. Si ish-përfaqësues i opozitës, profesori i gazetarisë, sot dekan i fakultetit të Historisë dhe Filologjisë, thotë se mungesa e demokratëve në Komisionin e Edukimit gjatë diskutimeve për projektligjin e shkencës i dëmtoi universitetet.

Megjithatë, të hënën e14 tetorit, Konferenca e Rektorëve do të jetë në komision për të kundërshtuar njëzëri nismën e Ministrisë së Arsimit dhe Sportit, për Shkencën.

Të lënë jashtë çdo konsultimi për hartimin e projektligjit, shkollat e larta po përjetojnë një tjetër zhgënjim, i ngjashëm më atë të 10 viteve më parë, kur u miratua ligji për arsimin e lartë. 

 

Të fundit