Ligji për Akademinë e Shkencave/ Fuga s'heq dorë: Thirrje Petro Koçit për ballafaqim, po vepron gabim!

Akademiku i njohur Artan Fuga ka reaguar sërish duke ndjekur “këmba-këmbës” deputetin socialist Petro Koçi për një ballafaqim televiziv lidhur me iniciativën e tij për të ndryshuar ligjin në fuqi për akademinë e shkencave.

Përmes një postimi në Facebook, Fuga teksa ka falenderuar kryetaren e Kuvendit të Shqipërisë, Lindita Nikollën, kryetaren e Komisionit të edukimit dhe medias, zonjën Flutura Açka si dhe Ina Zhupa, e cila është deklaruar publikisht se ndan të njëjtat argumente si pedagogu për këtë çështje, ai sërisht shprehet se ka mbetur i zhgënjyer.

Zhgënjimi  sipas Fugës qëndron se Petro Koçi, “deputet inisiator i këtyre propozimeve krejt pa themel juridik, nuk ndihet, nuk i përgjigjet kërkesë sime për takim, ballafaqim, dhe diskutim”.

 

Postimi i plotë i Artan Fugës

Informacion për mediat!

Një falenderim dhe një zhgënjim që vazhdon

Falenderoj sinqerisht zonjën Lindita Nikolla, kryetare e Kuvendit të Shqipërisë që më priti sot në takim pas letrës publike nga ana ime për çështjen e sulmit ndaj legjislacionit në fuqi që është ndërmarrë lidhur me Akademinë e Shkencave, çka përbën një ndêrhyrje të rëndë të politikës, pra të dy deputetëve, në kërkimin shkencor dhe intelektual të vendit!

Zonja Lindita Nikolla më dëgjoi me vëmendje dhe durim, duke më krijuar një mjedis dialogu që më lejoi të shprehja të gjithä argumentet e mia ligjore.  Më dha nga koha e saj!

Falenderoj gjithashtu edhe kryetaren e Komisionit të edukimit dhe medias, zonjën Flutura Açka, e cila gjithashtu pati mirësinë të dëgjojë dhe mbajë shënim vendosmërinë time për ta kundërshtuar këtë nsimë ligjore shoqëruar me argumente fatkeqë!

Këto falenderime u bashkohen atyre për zonjën Ina Zhupa, e cila është deklaruar publikisht se ndan të njëjtat argumente me mua për këtë çështje!

Ndërkaq zhgënjim i madh sepse z. Petro Koçi, deputet inisiator i këtyre propozimeve krejt pa themel juridik, nuk ndihet, nuk i përgjigjet kërkesë sime për takim, ballafaqim, dhe diskutim.

Nuk dua të besoj se zonjat deputete janë më të ndjeshme se deputetët meshkuj ndaj dialogut dhe ballafaqimeve. Nuk dua të besoj se është çështje maçizmi dhe kryelartësie! As më shkon ndër mend!

Nuk dua të besoj se ndonjë deputet i zonës Fier - Tepelenë e ka më vështirë të pranojë debat dhe kundërargumente se sa deputetë të zonave të tjera!

Nuk dua të besoj se zoti Petro Koçi duke qenë iniciator i amendamenteve është kaq i zhytur kaq thellë në to sa ka vendosur që të mos dëgjojë asnjë argument që tund zilet dhe këmborat duke vendosur në dukje gabimet që po bën.

Nuk dua të besoj asnjë nga këto! Unë vazhdoj të shpresoj, por pa he qur dorë!

Por, javën që vjen jo vetëm që do të merrem hollësisht me argumentet e dhëna prej këtij "grupi" prej një plus një deputetësh, por edhe do të kontaktoj elektorat nga Fieri për t'i bërë letër nga zgjedhësit e tij që të reflektojë, si edhe do t'i kërkoj takim në administratën e Kuvendit sikur një qytetar që ka një hall personal, ta zemë ka një hall shtëpie, punësimi, a tjetër!

Ndonëse nuk kam asnjë hall përsonal, por të shtetit, ndonëse nuk kërkoj asgjë personale prej tij, madje nuk i kërkoj as post, as rrogë, as pushtet, asgjë pe gjëje! Përpjekjet e mia do të vazhdojnë !

Faleminderit!

Artan Fuga