Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

Llagami mohon pazaret me Bushkën për emërimet në Kushtetuese: Janë komunikime të fabrikuara

Politiko 19 Mars 2025, 10:47

Llagami mohon pazaret me Bushkën për emërimet në

Ish-kryetarja e Këshillit të Lartë Gjyqësor, Naureda Llagami ka reaguar për herë të parë pas publikimit të disa bisedave, mes saj dhe deputetes socialiste, Klotilda Bushkës ku bënin pazare për emërimet në Gjykatën Kushtetuese.

Përmes një deklarate, Llagami shkruan se bisedat e zbardhura mes saj dhe Bushkës janë të fabrikuara dhe sipas saj, janë shpërndarë nga i njëjti person që e ka përndjekur në rrjete sociale.

Llagami pretendon se ky person është proceduar për kallëzim të rremë, në kohën kur ajo mbante postin e kryetares së KLGJ-së.

“Të nderuar miq, kolegë, bashkëpunëtorë, përfaqësues të medias, qytetarë, e ndiej të nevojshme të reagoj sërish ndaj disa artikujve të publikuar ndaj meje.

Në përmbajtjen e tyre janë publikuar komunikime elektronike me znj. Bushka të cilat nuk kanë ndodhur kurrë por janë fabrikuar, fakt që është lehtësisht i verifikueshëm. Ato janë shpërndarë në mënyrë anonime në media të ndryshme, nga i njëjti person që në mënyrë të vazhdueshme vitin e fundit, më ka përndjekur në platformat sociale “Linkedin, Facebook”, duke postuar materiale që cënojnë haptazi dhe rëndë figurën dhe imazhin tim.

Ky person ka fabrikuar gjithashtu komunikime imagjinare për ndikime në sistem, për të cilat është proceduar penalisht për “kallëzim të rremë” dhe “falsifikim të dokumenteve”, dhe pezulluar nga KLGJ (gjatë kohës që unë isha kryetare e KLGJ).

Vlerësoj nevojën për të dhënë këtë sqarim, pasi në 5 vjet që kam drejtuar KLGJ, jam përpjekur së bashku me koleget e mi, të krijojmë një model ndryshe qeverisje të sistemit gjyqësor.

Për të gjithë sa sqaroj më sipër, do të ndjek rrugën ligjore”, deklaron Llagami.

Të fundit