Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Logu: Gjykata Kushtetuese u shndërrua në ‘Gjykatën e Partisë’ pas vendimit për Sonila Bejtjan

Politiko 16 Tetor 2025, 18:02

Logu: Gjykata Kushtetuese u shndërrua në ‘Gjykatën e

Përfaqësuesi ligjor i Partisë Demokratike ka reaguar pas vendimit për ndërprerjen e mandatit të gjyqtares kushtetuese Sonila Bejtja.

Ai e ka  cilësuar atë si një goditje të rëndë ndaj pavarësisë së Gjykatës Kushtetuese.

 Në reagimin e tij, ai shprehet se ky vendim krijon një precedent të rrezikshëm që cenon paprekshmërinë e mandatit të gjyqtarëve dhe vendos kontrollin e institucioneve të emërtesës mbi gjyqtarët kushtetues.

Reagimi i Logut:

Vendimi për ndërprerjen e mandatit të gjyqtares kushtetuese Sonila Bejtja zhbën përfundimisht pavarësinë e Gjykatës Kushtetuese.

 Precedenti i sotëm zhvesh gjyqtarët kushtetues nga garancia e paprekshmërisë së mandatit të tyre duke vendosur  kontrollin e organeve të emërtesës ndaj kohëzgjatjes së mandatit të gjyqtarëve.

 Presidenti, Parlamenti dhe Gjykata e Lartë do të vendosin për kohën që një gjyqtar do të qëndrojë në detyrë, duke iu dhënë kështu mundësinë të kontrollojnë edhe vendimmarrjet e tyre.

Gjykata Kushtetuese vrau sot me duart e saj pavarësinë, paanshmërinë, integritetin dhe profesionalizmin, duke u shndërruar përfundimisht në Gjykatën e Partisë.

Të fundit