Flash News

Shtyhet për herë të pestë seanca konstituive e Kuvendit të Kosovës

Përplasen dy makina te ‘Ura e Kardhiqit’, lëndohen katër persona

Berisha mban një minutë heshtje në nderim të Papa Françeskut: Krishterimi dhe njerëzimi humbën një kolos

Ndalimi i shefit të Komisariatit të Policisë Rrugore dhe dy oficerëve, SPAK del me njoftim zyrtar

Ndahet nga jeta Papa Françesku

E-TJERA

Logu: Shembujt e mazhorancës nxitën shkelje të fshehtësisë së votës së diasporës

Politiko 21 Prill 2025, 09:40

Logu: Shembujt e mazhorancës nxitën shkelje të

Përfaqësuesi juridik i PD-së, Marash Logu,  tha se ata kanë apeluar të gjithë votuesit nga diaspora që të mos e publikojnë votën e tyre pasi kjo gjë është problematike dhe përbën shkleje ligjore.

I ftuar në emisionin Review, në Euronews Albania, Logu e cilësoi trendin e publikimit të votës nga disa emigrantë si pasojë e shembullit të dhënë nga vetë eksponentët e mazhorancës që sipas tij kanë krijuar përshtypjen e gabuar se publikimi i votës është i pranueshëm, duke nxitur kështu një sjellje të rrezikshme në procesin zgjedhor.

“Unë kam theksuar që votuesit nga diaspora duhet të jenë të kujdesshëm dhe të mos fotografojnë apo të bëjnë video të mënyrës se si kanë votuar, sepse kjo, qartazi, përbën vepër penale dhe rrezikon që ata të merren në përgjegjësi penale.

Pavarësisht përpjekjeve dhe mundësive që kemi, nuk arrijmë dot ta çojmë mesazhin te çdo zgjedhës, por ky fenomen në fakt filloi me një postim të Ramës, ku publikoi një foto të një familje nga diaspora që kishte marrë zarfin, ku ishte një zgjedhës me bashkëshorten që kishte publikuar një zarf të fletës së votimit.

 Më datë 17, zoti Rama dhe zoti Klosi patën një takim në Dibër, ku zoti Klosi tha: “Vota e parë erdhi nga Dibra dhe patronazhisti ynë na njoftoi se është votë për të majtën”.Kur votuesit shohin këto shembuj, mendojnë se nuk është ndonjë gjë problematike të bësh një postim nga dashamirësia ndaj një subjekti të caktuar politik.

 Por në fakt, edhe veprime të tilla të thjeshta mund të kenë pasoja ligjore, pasi cenojnë parimin e fshehtësisë së votës.” tha përfaqësuesi ligjor i PD-së, Marash Logu.

Ai tha se PD vijon ti bëjë apel votuesve nga diaspora që mos të publikojnë votën e tyre dhe të ruajnë parimin kushtetues për votë të barabartë dhe të fshehtë.

Të fundit