Flash News

Parashikimi i motit për sot

Posta e mëngjesit/ Me 2 rreshta: Çfarë pati rëndësi dje në Shqipëri

Boris Johnson jep dorëheqjen si deputet

Ofronte para për votat në 14 maj, arrestohet me urdhër të SPAK Klodian Kapedani

Aksident në Rrogozhinë, makina përplas dy të mitur

E-TJERA

Lubonja: Rama e ka bërë të qartë që shkel ligjin, është në rrezik liria e njerëzve

Politiko 29 Mars 2023, 17:49

Lubonja: Rama e ka bërë të qartë që shkel ligjin,

Analisti Fatos Lubonja ka folur në lidhje me situatën në vend para zgjedhjeve vendore të 14 majit.

Lubonja përmes një komunikimi të drejtpërdrejtë në rubrikën “Opinion” deklaroi se kryeministri Rama e ka bërë të qartë që ai e “kapërcen dhe shkel” ligjin, duke iu referuar bonuseve të fundit që ka premtuar në lidhje me pensionet dhe pagat vetëm disa javë para zgjedhjeve vendore.

Sipas tij në vend kemi një “parti-bandë” që ka shkelje të panumërta, ndër to edhe rrjeti i patronazhistëve apo dhënia e parave të tërmetit para zgjedhjeve.

“Rama e ka bërë të qartë që e kapërcen ligjin dhe e shkel ligjin. Problemi ynë është se nuk ka kush ta ndëshkojë pasi drejtësia është e kapur. Neës24 e ka provuar vetë se si është shkelur ligji për kapriçot e pajustifikueshme. Rama kur ka pasur mundësi ka dhënë paratë e tërmetit në kohë zgjedhjesh, ka bërë favore për oligarkët e caktuar të cilët i kanë siguruar para ose mbështetje, etj. Shkeljet janë të panumërta. Ka organizuar rrjetin e famshëm të patronazhistëve që është sërish shkelje ligji. Kemi të bëjmë me një parti bandë që shkel vazhdimisht dhe ecën përpara sepse nuk i del përpara organizmi që ta ndalojë. Nesër e merr rezultatin edhe me letër. Të gjitha këto janë shkelje.

Këtu e kanë ngrënë reformën zgjedhore. Ai shkel ligjin dhe nuk ndërhyn asnjë gjyqtar, ky është grusht shteti. E kemi ngrënë këtë dhe bëjmë sikur jemi në demokraci. Shteti është vetë Rama. Si mund të japë llogari shteti në monarki absolute, kemi arritur në delire të tilla.”, ka thënë Lubonja.

Sa i përket fushatës zgjedhore për 14 majin, Lubonja deklaroi se ajo është në përputhje me strategjinë e Ramës “përça dhe sundo” duke iu referuar ndarjes së opozitës dhe nxjerrjes së kandidatëve nga ana e Enkelejd Alibeajt në disa bashki.

“Fushata zgjedhore është në përputhje me strategjinë e Ramës përça dhe sundo. Është në rrezik jo vetëm ndotja e Tiranës apo mungesa e gjelbërimit. Këto janë probleme por është në rrezik liria e njerëzve. Nuk jemi më të qetë në këtë vend sepse na sjell ky fadromat nesër e na prish shtëpitë apo bizneset. Ky e ka kapur drejtësinë dhe në vend të bashkohemi përçahen sa të munden. Një PD këtej dhe një andej. Në vend që të bashkohen gjithë opozitarët për të vendosur themelet, ne kemi përçarjen e tyre’, shprehet Lubonja.