Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

Lubonja: Rama ka hyrë me “çizme” në bashki, por Veliaj s’ka guxim të bëjë të penduarin

Politiko 20 Mars 2025, 21:35

Lubonja: Rama ka hyrë me “çizme” në bashki, por

Analisti Fatos Lubonj komentoi përplasjen mes kryeministrit Edi Rama dhe kryetarit të Bashkisë së Tiranës, Erion Veliaj, i cili ndodhet prej 10 shkurtit në burg.

I ftuar në News 24, Lubonja tha se situata është e paqartë, duke përmendur mundësinë e ndërhyrjes ndërkombëtare dhe teatrit politik nga ana e Ramës.

Ai shtoi se, ndonëse Veliaj është mbështetur dikur nga Rama, tani ai është në një pozicion të dobët dhe pa guxim të veprojë kundër kryeministrit.

"Kur u arrestua Veliaj, Rama mbështeti atë me protesta. Pas 2-3 ditëve ndryshoi qëndrim. Mund të ketë shumë hipoteza. Një hipotezë mund të jetë teatër nga ana e Ramës, mund të ngresh hipotezën që kanë ndërhyrë ndërkombëtarët tek Rama që shiko se po bën kërcënim të hapur ndaj drejtësisë. Nuk e dimë të vërtetën, sepse në tërësi gënjejnë në raport me publikun. Rama është shumë i fuqishëm, ndërsa Veliaj është i dobët, i arrestuar tashmë. Rama ka hyrë me “çizme” në Bashki, ka shkelur Kushtetutën dhe nga pikëpamja ligjore, Veliaj mund të zgjedhë kryetaren e komanduar.

Rama mund të shkarkojë Veliajn e nuk e bën as këtë. Prandaj, nuk jemi të qartë saktësisht se çfarë po ndodh. Veliaj, edhe pse është ushtar i Ramës, ka krijuar rreth të vetin që e mbështesin dhe ka një lloj force. Dyshoj që Rama mori një mesazh dhe gjeti kompromis. Veliaj s’ka guximin të bëjë të penduarin e drejtësisë, ta tregojë kryetarin e bandës. Por, ndoshta mendon se mund të dëmtojë Ramën sadopak, por prapë mbetet pikëpyetje e madhe se kush e futi në burg Veliajn, SPAK apo Rama", u shpreh Lubonja. 

Të fundit