Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Lubonja: SPAK nuk është i pavarur, PS e përdor si fasadë

Politiko 9 Prill 2024, 18:13

Lubonja: SPAK nuk është i pavarur, PS e përdor si fasadë

Analisti Fatos Lubonja ka deklaruar se sistemi kriminal në Shqipëri është thelluar edhe më shumë.

Sipas tij, mazhoranca e përdor SPAK-un si fasadë, për të lënë përshtypjet sikur i dorëzon të korruptuarit dhe të hiqet sikur është ndryshe nga Berisha.

Lubonja theksoi se SPAK nuk ka kthyer ende përgjigje as për skandalin e inceneratorëve.

“Pyetja është sesa i pavarur është SPAK. Kemi shumë të panjohura. Nuk dimë mirë raportet që ekzistojnë në SPAK, këta amerikanët që thonë se janë mbrapa, duhet të kuptojmë se ku janë pas? Çështja është e hapur dhe mund të them se ku unë anoj më shumë. Kur Rama u bashkua me Metën, ai tha se kjo nuk është çështje personash, por sistemi. E vërteta është se këta e kanë perforcuar sistemin. Tani drejtorët marrin paratë të gjitha për vete dhe bëhet fjalë për miliona. Sistemi është i thelluar dhe kriminal. E përdorin SPAK si fasadë, që ne nuk jemi si Berisha, ne dorëzojmë të korruptuarit. Ahmetaj është goditur më egër. Akoma nuk kemi përgjigje nga SPAK për inceneratorët. Mendoj se tek fjala e Veliajt thuhej se të arrestuarit duhet të qëndrojnë, duke iu bërë me dije se ata e kontrollojnë SPAK-un dhe do vijë një kohë që do lirohen. Te fjala e Veliajt sikur iu bëhej thirrje të arrestuarve që mos të flasin shumë”, tha Lubonja në News24.

Më tej, Lubonja nënvizoi se nuk beson se SPAK është i pavarur, pasi nuk heton shumë krime që po bëhen sheshit.

“Gazment Bardhi bëri kallëzim për vëllanë e Edi Ramës. Menjëherë maxhoranca tha se do ngrejë padi ndaj Bardhit. Nëse ti kontrollon drejtësinë, me gjyqe false e dobëson opozitën. Nuk bindem dot që SPAK është i pavarur, sepse nuk shkon në shumë krime që po bëhen sheshit. Krimi i organizuar pastron paratë me ndërtime dhe nuk ka shkuar këtu. Në tërësi nuk shkon tek sistemi, që ka cikël krimi që është në rreth vicioz. Përfundimi është se ne ushqehemi të gjithë nga një ekonomi kriminale, këta godasin kundërshtarët, nuk i hyjnë sistemit”, deklaroi Lubonja.

Të fundit