“Lufta për ndryshimin e kufijve po rritet”/ Presidenti slloven letër KE: Jepni dritën jeshile për Shqipërinë. Ç'kërkon për Ballkanin

Lufta në Ukrainë evidenton gjithmonë e më tej rëndësinë e zgjerimit të BE-së dhe rrezikun që i kanoset Rajonit. Gjatë kësaj kohe është rritur presioni për integrimin e Shqipërisë dhe Maqedonisë së Veriut në BE.

Këtë e ka kërkuar edhe presidenti i Sllovenisë, Borut Pahor, i ka dërguar një letër kryetarit të Këshillit Evropian, Charles Michel, ku kërkon që vendit tonë dhe shtetit maqedonas t’i jepet drita jeshile.

Gjithshtu kërkon liberalizimin e vizave për qytetarët e Kosovës. Duke nënvizuar se kjo është vetëm çështje vullneti, presidenti slloven kërkon shpejtësim të procedurave për Malin e Zi dhe Serbinë.

Sa i përket Bosnje Hercegovinës, ai kërkon që t’i jepet statusi i kandidatit për anëtarësim në BE.

Pahor thotë se në këto rrethana, nacionalizmi dhe lufta për ndryshimin e kufijve po intensifikohen dhe po çojnë në paqëndrueshmëri në rritje që kërcënon sigurinë jo vetëm Rajonin, por edhe BE-në.

Letra e plotë

I nderuar zoti President,

Duke pasur parasysh agresionin e Federatës Ruse ndaj Ukrainës dhe efekteve të luftës në sigurinë evropiane, të cilat po shtohen, duhet të potencohet rëndësia e Bashkimit Evropian si një garantues i sigurisë dhe stabilitetit.

Ndërsa unë sinqerisht mbështes të gjitha përpjekjet për t’i dhënë Ukrainës dhe Moldavisë statusin e kandidatit, jam gjithnjë e më shumë i shqetësuar për situatën në Ballkanin Perëndimor, të cilit ne vazhdimisht po i shprehim garanci dhe perspektivë evropiane, por rajoni po largohet gjithnjë e më shumë.

Unë jam veçanërisht i shqetësuar për situatën në Bosnje dhe Hercegovinë.  Në këtë vend, ka pasoja shumë negative nga procesi shumë i ngadaltë i zgjerimit të Bashkimit Evropian dhe largimi nga perspektiva evropiane.

Në këto rrethana, nacionalizmi dhe lufta për ndryshimin e kufijve po intensifikohen, të gjitha këto po çojnë në paqëndrueshmëri në rritje që kërcënon sigurinë jo vetëm të BiH dhe fqinjësisë së saj të afërt, por edhe të Bashkimit Evropian.

Jam i bindur se është e domosdoshme që Bosnje-Hercegovinës t’i jepet statusi i kandidatit pa kushte.  Natyrisht, BiH duhet të plotësojë kushtet, por rendi duhet të jetë i ndryshëm – kështu që së pari statusin e kandidatit dhe më pas plotësimin e kushteve.  Sipas mendimit tim, kjo do t’i forconte forcat pro-evropiane në Bosnjë dhe Hercegovinë dhe dinamikat e përshtatjes së brendshme me normat evropiane.

Unë besoj se nevojiten hapa konkretë për të përshpejtuar zgjerimin e Bashkimit Evropian në Ballkanin Perëndimor. Shqipërisë dhe Maqedonisë së Veriut t’i jepet drita jeshile për fillimin e negociatave në qershor dhe Kosova të marrë liberalizim vizash.

Besoj se të dyja kërkojnë vetëm vullnetin politik të shteteve anëtare, si të tre shtetet plotësojnë të gjitha kushtet për të thënë.  Dua gjithashtu një proces më të shpejtë negociues me Malin e Zi dhe Serbinë.