Flash News

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

Goditet Call Center-i në Tiranë/ Në pranga një nga organizatorët dhe 6 punonjës

E-TJERA

Mangësitë e 11 Majit që Rama nuk i pranon kur shpall fitoren në mediat e huaja

Politiko 14 Maj 2025, 13:54

Mangësitë e 11 Majit që Rama nuk i pranon kur shpall fitoren

Në delirin e madhështisë, që ngriti qysh me çeljen e fushatës zgjedhore, Rama e thotë me bindje se arriti t’i fitojë zgjedhjet e 11 Majit sepse “shqiptarët nuk janë budallenj”.

Kryeministri zgjodhi që fitoren ta shpallë në mediat ndërkombëtare dhe të refuzojë gazetarët shqiptarë që nga mëngjesi në darkë raportuan numërimet e votave, renditjet paraprake dhe që i kërkuan qoftë edhe një togfjalëshin për rezultatin e deritanishëm.

I pyetur nga gazetarët në selinë rozë, kreu i socialistëve ka refuzuar të flasë duke u larguar me nënqeshje ironike.

Mirëpo, fitoren Rama zgjodhi ta shpallë fillimisht në mediat ndërkombëtare, siç i ka hije një kryeministri piktor për ta shitur veten si lider të rajonit. 

Për “Corriere della Sera”, Rama konfirmoi mandatin e katërt si një histori besimi dhe vizioni, pa harruar rastet e intimidimit të votuesve dhe presionin e ushtruar ndaj tyre për vota.

“Ne e ndryshuam Shqipërinë me një vizion të qartë dhe këmbëngulje të madhe. Njerëzit nuk janë budallenj, siç mendojnë shumë politikanë, dhe ata dinë të bëjnë dallimin midis atyre që punojnë seriozisht për të ardhmen e vendit dhe atyre që kufizohen në retorikën e disfatizmit. Edhe kemi gabuar, por kemi kërkuar falje. Por ne kurrë nuk u ndalëm, kurrë nuk u fshehëm, kurrë nuk u dorëzuam përballë vështirësive dhe ngritëm një komb të tërë duke e bërë atë krenar për emrin e tij”, u shpreh ai.

Rama veçon votën e diasporës, një pjesë e zgjedhësve që për herë të parë u lejua të votonte nga jashtë vendit. Duke i thurur lavde vetes, Rama e sheh votën e atyre që braktisën Shqipërinë, si vlerësim ndaj tij.

“Ata nuk votojnë nga nostalgjia, por nga vlerësimi për situatën. Është një votë besimi nga ata që u larguan, por nuk e kanë braktisur Shqipërinë. Dhe nëse diaspora na beson, kjo do të thotë se ne po transmetojmë një imazh që i bën ata krenarë”, tha Rama.

Për Politico, Rama zgjodhi të flasë më shumë me sulme kundrejt. I pyetur për vendimin e opozitës për Chris LaCivita, drejtuesin e fushatës së PD, Rama tha: “Të marrësh LaCivitën dhe të mendosh se do të bëhesh Trump, është njësoj si të marrësh një parukier të Hollivudit dhe të mendosh se do të bëhesh Brad Pitt”.

Rama mohon çdo problem të votimeve të 11 Majit, duke filluar nga shitblerj e votës, te shfrytëzimi i administratës dhe intimidimi i votuesve, problematika që i adresoi edhe OSBE në gjetjet e tij.

OSBE theksoi se “partia në pushtet përfitoi nga burimet administrative gjatë fushatës duke krijuara avantazh të padrejtë në pushtet pati mosrespektim të procedurave, u shënuan disa incidente intimidimi dhe ndikim tek zgjedhësit për probleme me procedurat dhe transparencën.”

Të fundit