Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Manifestimi në shesh, Rama akuzohet për keqpërdorimin e administratës dhe shkelje të Kodit Zgjedhor

Politiko 20 Shkurt 2025, 18:08

Dhjetëra punonjës të Pastrim-Gjelbërimit të Bashkisë së Tiranës dhe makina trasporti të bashkisë u angazhuan për orë të tëra në rreshtimin e rreth 7 mijë karrigeve në një pjesë të Sheshit Skënderbej, ku kryeministri Edi Rama mësohet të ketë thirrur administratën e bashkisë në një manifestim.

Arsyet e organizimit nuk janë bërë të ditura as nga Bashkia e Tiranës dhe as nga Kryeministria, por ky manifestim thirret dhjetë ditë pas arrestimit të kryebashkiakut Erion Veliaj me akuzat e korrupsionit e pastrimit të parave.

Ndërkohë, organizata të shoqërisë civile që monitorojnë zgjedhjet dhe sjelljet e partive politike në fushatë akuzuan shumicën se po shkelte Kodin Zgjedhor. Organizata “Qëndresa Qytetare” i bëri po të enjten kërkesë Komisionerit të Zgjedhjeve, Ilirjan Celibashit për të ndaluar aktivitetin e Kryeminsitrit me nënpunësit e bashkisë Tiranë.

“Në kushtet kur veprimtaria e cituar më sipër, sipas të dhënave që disponojmë deri më tani ndonëse prezantohet si një veprimtari me karakter publik, që organizohet nga Kryeministri dhe që zhvillohet në periudhën katër mujore të parashikuar nga Kodi Zgjedhor nuk është raportuar në KQZ, de fakto përbën shkelje zgjedhore. Në këto kushte, Qëndresa Qytetare i ka bërë kërkesë zyrtare KQZ-së që të mos lejojë organizimin e këtij takimi që është hapur keqpërdorim i administratës”, thuhet në kërkesë.

Rigels Xhemollari nga Qendresa Qytetare i tha BIRN se në komunikim me KQZ ishte mësuar se aktiviteti ishte prezantuar si aktivitet kulturor, por shton se palët ishin sërish në shkelje pasi edhe në këtë rast duhej të ishte njoftuar KQZ pesë ditë para zhvillimit.

Të pyetur nga BIRN, kryeministria dhe Bashkia e Tiranës nuk iu përgjigjën deri në publikimin e këtij shkrimi kërkesave për qëndrim dhe as sqaruan objektin e aktivitetit.

Nënkryetari i Këshillit Bashkiak të Tiranës, Dorjan Teliti në një reagim në rrjetet sociale e cilësoi aktivitetin një përpjekje të kryeministrit për të uzurpuar pa ligj edhe rolin e kryebashkiakut.

“Kryeministri që ka kapur çdo pushtet , tani vendos të vetëshpallet edhe kryetar bashkie , duke e kthyer shtetin totalisht në pronë private”, shkroi Teliti, duke e cilësuar grumbullimin e Ramës me administratën e bashkisë një “grusht shteti”.

Ndërkohë ish-kryemninistri Sali Berisha e akuzoi Ramën se po bënte antimitig në ditën e rrëzimit të bustit të diktatorit Enver Hoxha. Berisha kërcënoi pjesëmarrësit se po bënin krim elektoral. “Do ju regjistroj emër për emër. Pjesëmarrja në atë miting përbën krim, krim elektoral dhe shtetëror,” shkroi Berisha. Reorter.al