Çështja 'Toyota Yaris', Manjani: Basha ka qenë në dijeni, pse Luli e refuzon drejtësinë belge

Ish-ministri i Drejtësisë Ylli Manjani e ka cilësuar çështjen ‘Toyota Yasi’ intriguese, sa i përket fakteve që shtrohen përballë saj.

Në një postim në Facebook, Manjani shkruan se përderisa autoritetet belge vijojnë të këmbëngulin që Lulzim Basha të dëshmojë lidhur me çështjen, n ë një kohë kur ky i fundit akuzon Taulant Ballën si i përfshirë, atëherë rezulton se Basha ka qenë në dijeni të ngjarjes.

Sipas Manjanit, nëse Basha di diçka lidhur me ‘Toyota Yaris’ bën mirë të japë faktet, të kallëzojë dhe të dëshmojë për ato që di.

Postimi i plotë:

Vijon të më intrigojë kjo çështja “Toyota Yaris”, me thënë të drejtën.

Më intrigon më shumë sesa brroçkullat e koordinuara antifoltore, që paskan këputur mbrëmë në mixhlis mediatik dy “të dashurit” e republikës së re.

Dmth, nëse në atë aferë ishte i përfshirë Taulant Balla përse drejtësia Belge nuk thërret atë por insiston të thërrasë Lulin?! E thërret pa pushim madje. Është ende i thirrur. Nuk e di a mund të shkelë dot në Belgjikë, i pashqetësuar nga policia atje…!?

Qartësisht Basha kishte dijeni që po ndodhte një vepër penale dhe, dukshëm këtë dijeni e kishte siguruar në rrugë private. Nuk ka kuptim llogjik që shërbime zyrtare të huaja të informojnë një kryetar partie në Shqipëri që ska asgjë në dorë. Shërbimet minimalisht njoftojnë një drejtor policie jo një lryetar partie.

Pra Luli kishte dijeni nga burime të tjera dhe, si person që kishte dijeni ka detyrimin ligjor të kallëzojë/dëshojë para drejtësisë. Lulzim Basha nuk është gazetar që të përfitojnë nga ligji i mbrojtjes së burimit. Nuk është as shef agjensie sekrete, sepse po të ishte duhet futur në burg për shpërdorim detyre se foli në publik. Ose pastaj nëse është spiun i agjensive të huaja NUK MUND të jetë në politikë!!

Ndaj them se ligjërisht Ai ka detyrimin të kallëzojë dhe dëshmojë për ato që di.

A i njeh Luli personat e përfshirë në këtë aferë?!

Nëse ato para të nisura në Toyotë ishin të Ballës, si është e mundur që i kapi policia e pushtetit të Ballës?!

Nuk bën sens llogjik, në kontekstin ku jetojmë.

Luli denoncoi se “po vijnë 5 milionë”, por në fakt u kapën 3.5 milionë. Pse kjo diferencë?! E keqinformuan, apo na keqinformoi?

Përse Luli rrefuzon drejtësinë Belge?! Mund t’i kishte dhënë dërrmën edhe Ballës edhe Ramës nëpërmjet kësaj çështje. Gjithmonë nëse është i vërtetë pohimi i Tij se Taulanti është pronar apo pastrues i atyre parave.

Përse rrefuzon transparencën dhe llogaridhënien, të cilat ja kërkon të tjerëve?!

Nuk e di po, mua më intrigon kjo çështje.

Sqarimi zyrtar i këtyre pyetjeve tregon shumë…

Nga ana tjetër nuk është se po i sqaron edhe drejtësia jonë këtë gjë…!!!