Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Manjani: "Të zezat" e Saliut janë lule krahasuar me ç'po i bëhet këtij vendi këto vite, Berisha qenka megjithmend kokrra e burrit

Politiko 21 Maj 2021, 08:59

Manjani: "Të zezat" e Saliut janë lule krahasuar me

Ish-ministri i Drejtësisë, Ylli Manjani shprehet se "korrupsioni" i pafaktuar i Berishës në vite, nuk ka asnjë shans të mbulojë korrupsionin e sotëm në Shqipëri.

Në një postim në rrjetet sociale, Manjani shkruan se "të zezat" e Saliut janë një lule krahasuar me ç'po i bëhet e ç'ju bë këtij vendi gjatë qeverisjes së Edi Ramës. Sipas tij, shpallja "non grata" e ish-kryeministrit Berisha nga ShBA nuk i justifikon fare zgjedhjet e vjedhura të 25 prillit dhe as votimet moniste të 2019-ës.

Ai shton më tej se nëse diplomacia Amerikane mendon se duke hedhur gjyle tek mullarët e Sali Berishës,do na bëjë t'i harrojmë këto që ndodhin sot e ka gabim.

Postimi i plotë:

"Korrupsioni" (për më tepër i pafaktuar) apo "të zezat" e Berishës në vite, nuk kanë asnjë shanc të mbulojnë korrupsionin e të zezat e sotme që i bëhen Shqipërisë.
Janë galopante dëmet që i bëhen ekonomisë,pronës publike,demokracisë, shtetit ligjor e të drejtave themelore të njeriut.
"Të zezat" e Saliut janë një lule krahasuar me ç'po i bëhet e ç'ju bë këtij vendi këto vite.
Mbi të gjitha, viza e refuzuar e Saliut, Saliut që na solli liberalizimin e vizave, nuk i justifikon fare, po hiç fare, zgjedhjet e vjedhura të 25 prillit. As votimet moniste të 2019-ës.
Nëse diplomacia Amerikane (jo gjykata Amerikane) mendon se duke hedhur gjyle tek mullarët e Sali Berishës,do na bëjë t'i harrojmë këto që ndodhin sot e ka gabim! Le të jetë sa të dojë Amerikane!
Shqipëria sot është më e vjedhur se kurrë më parë. Është më jo demokratike se kurrë më parë në këto 30 vitet e fundit. Shqipëria institucionale dhe ligjore është më e dobëta se kurrë më parë nga krijimi ynë si shtet.
Me apo pa viza Amerikane, kjo është e vërteta që shohim çdo ditë. Me apo pa viza, shqiptarët ikin...
E të vijosh të thuash që "fajin e ka Saliu", një burrë në moshë që ska asgjë në dorë veç fjalës, i bie që ky fundit qenka megjithmend kokrra e burrit.

Të fundit