Mark Marku-Berishës: S’mund të ofrosh shkarkimin e kryetarit, Basha të mbajë përgjegjësi. Të jetë akti i fundit berishist

 

Mark Marku ka folur për zhvillimet e fundit në selinë blu, të cilat erdhën menjëherë pas përjashtimit të ish-kryeministrit Sali Berisha nga grupi parlamentar i PD-së.

I ftuar në studion e Neës 24, Marku u shpreh se nuk e sheh si alternativën e duhur kërkesën e Berishës për të hequr Bashën nga kreu i demokratëve. Sipas tij, nëse vërtet duan ta rrëzojnë Bashës, duhet të parashtrojnë arsyet.

“Unë mendoj që ti (Zoti Berisha) s’mund të ofrosh si alternativë shkarkimin e kryetarit. Ajo është lëvizje e brendshme për të marrë partinë. Të njëjtët persona, kanë votuar para disa muajsh dhe e kanë mbështetur fort Bashën që të jetë kryetar, cilat janë arsyet që të largohet tani? Sepse largoi Berishën nga grupi parlamentar. Basha duhet të marrë përgjegjësitë për atë që ka bërë. Të jetë akti i fundit berishist në parti, sepse edhe Berisha ka larguar nga partia njerëz në atë mënyrë. Nëse duan të rrëzojnë Bashën duhet të tregojnë alternative se përse duhet të heqin Bashën, ndryshe për çështje personale le ta bëjnë, por s’jep rezultate. PD nuk është çështje e dy peronave. Sa më e ashpër të bëhet kjo betejë, aq më shumë e pësojnë anëtarët," ka thënë Marku.

Nga ana tjetër, Marku thekson se ish-kryeministri duhej ta kishte marrë vetë vendimin, teksa shtoi se kreu i demokratëve Basha ishte vonuar, pasi një reagim nga ai duhej të vinte në momentin kuur u shpall “non grata” nga DASH-i.

“Unë e kam thënë që zoti Basha duhej ta merrte këtë vendim më parë, ishte i vonuar. Zoti Basha nuk kishte pse ta merrte këtë vendim sepse zoti Berisha duhej ta merrte vetë vendimin e largimit. Berisha është aty me themelimin e PD. Ndonjëherë nga përkujdesja e tepërt ne e dëmtojmë fëmijën në mënyrë të parikuperueshme. Edhe në rastin e partisë, mendoj që pavarësisht faktit se si e ka konsideruar Berisha marrëdhënien me PD, Basha dhe vetë PD duhet të kishte krijuar marrëdhënie të tillë që ti je aset i partisë, por partia duhet të ndërtohej në aspektin e hierarkisë. Shoqëria mendonte që vërtetë është Basha aty, por mbrapa ka qenë Berisha,” shprehet Marku.

I pyetur se pse u anashkaluan strukturat e PD-së për të marrë një vendim për fatin e Berishës, Marku thotë se përjashyimi është nju vendim politik i Bashës.

“Po siç e thotë Basha sepse ka menduar të mos përçaje partinë. Por në fakt partia sot është e përçarë. Unë mendoj që në momentin që e zgjedh liderin ke deleguar dhe të drejtën për të marrë vendime. Gjithsesi ai është vendim politik i Bashës,” shtoi Marku.

Sa i përket turit që Berisha ka ndërmarrë për të bërë bashkë demokratët, Marku i sheh si reagim të një individi të fyer.

“Unë e kuptoj edhe zemërimin e Berishës, edhe zemëratën, reagimin. Ai ka kredo morale, thotë që më është bërë padrejtësi. Por kur kalojmë në fushën e vlerësimit të politikës duhet të kemi parasysh pasojat. Unë mendoj që Berisha me aq sa ka përvojë politike, por reagon si një njeri i fyer, ndoshta dhe me të drejtë, por po bashkon veten me PD. Asnjë s’mund ta bëj këtë. Berisha po bën një betejë morale personale,” ka thënë Marku.