Flash News

Kontrolle në burgun e Durrësit, kapen 10 celularë, i përdornin të dënuarit

Parlamenti i ri/ 82 deputetët që do të mungojnë nga shtatori

“I refuzojmë dy ekstremet”, ambasada amerikane në Tiranë ndan fjalimin e Zv.Sekretarit të Shtetit

U dënua me 1 vit burg, Ervin Salianji kërkon liri me kusht

Detaje nga shpërthimi në burgun e Fushë Krujës, lënda plasëse u hodh pranë gjeneratorit

E-TJERA

Marrëveshja me Italinë/ Anija ushtarake sjell në portin e Shëngjinit edhe 30 emigrantë

Politiko 28 Maj 2025, 08:51

Marrëveshja me Italinë/ Anija ushtarake sjell në portin e

Anija ushtarake italiane Spica sjell në portin e Shëngjinit me 30 emigrantë të rinj nga Italia.

Anija është nisur ditën e djeshme nga Porti i Brindisit.

30 emigrantët janë persona që kanë marrë urdhërim e dëbimit nga territori italian e janë në pritje të riatdhesimit.

Ata janë të kombësive të ndryshme me dënime penale ose janë në mungesë të lejes së qëndrimit në Itali e deri dje qëndronin në Qendrat e paraburgimit për riatdhesim në territorin italian.

Ky është misioni i parë i dërgimit të emigrantëve në kampet shqiptare pasi Parlamenti Italian aprovoi modifikimet mbi ligjin e menaxhimit të migracionit ilegal bazuar në Paktin Meloni – Rama të 6 nëntorit 2023.

30 emigrantët e rinj do t’i bashkohen rreth 50 të tjerëve që strehohen aktualisht në Gjadër.

“Nuk është e vërtetë që ne çojmë në Shqipëri emigrantë që janë në gjendje parregullsie administrative, nuk është kështu. Kemi riatdhesuar persona që janë liruar nga burgu disa vjecarë për krime të rënda, përfshirë përdhunimin, pornografinë e fëmijëve e kështu me radhë”, është shprehur ministri i Brendshëm, Matteo Piantedosi, në një dalje për mediat pak orë më parë.

“Ky është “transferimi” i katërt i emigrantëve të parregullt në territorin italian drejt kampeve shqiptare me urdhër dëbimi. Jemi në pritje të vendimit të Gjykatës Evropiane të Drejtësisë dhe normativës evropiane për këtë çështje në fuqi prej qershorit 2026, që më pas të mund të përdorim edhe pjesën tjetër të strukturës”, është shprehur ai.

Aktualisht sipas informacioneve që vijnë nga parlamentarë italianë që kanë vizituar kampin e Gjadrit, kapaciteti mikpritës i tij për emigrantë në pritje të riatdhesimit, është rreth 96 vende./ Syri.net/ Nga Alba Kepi

Të fundit