Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Marrëveshja për të kthyer Shqipërinë në kamp refugjatësh, gazetari italian: Është personale mes Melonit dhe Ramës

Politiko 7 Nëntor 2023, 20:12

Marrëveshja për të kthyer Shqipërinë në kamp

Gazetari italian, Alessandro Mantovani gjatë një interviste të dhënë për Edicionin e Mbrëmjes në SYRI TV, komentoi marrëveshjen që kryeministri shqiptar, Edi Rama firmosi me Romën për të kthyer vendin në një kamp refugjatësh.

Mantovani  tha se marrëveshja, është personale mes Giorgia Melonit dhe Edi Ramës.

Sipas Mantovanit, ka pasur reagime të shumta nga politika italiane, por më së shumti nga e majta.

‘Ne kemi kuptuar se ka qenë një marrëveshje personale mes Giorgia Melonit dhe Edi Ramës, të cilët kanë përjashtuar ministrat e tjerë për këtë çështje.

Ne ende po përpiqemi që të kuptojmë se për çfarë bëhet fjalë konkretisht dhe çfarë është propagandë nga ana e qeverisë italiane. Unë nuk besoj se kjo marrëveshje do të zgjidhë problemin e emigrimit të parregullt në vendin tonë.

Për aq sa dimë, ka qenë një negocim që prej muajit gusht kur Meloni ishte në Shqipëri, por unë besoj se në lidhje me përkufizimin konkret se si do të funksionojnë këto qendra, kjo marrëveshje ka shumë akoma për të bërë.

Reagimet kanë ardhur më shumë nga partitë e qendrës së majtë, të cilët shqetësohen për të drejtat e emigrantëve. Dhe ata parti nga e djathta, që kanë pasur të bëjnë me efikasitetin e kësaj marrëveshje. Sepse edhe pse nëse do të jenë përkohësisht në Shqipëri, në pritje të përcaktimit apo përmbylljes së kërkesave të azilit, këta persona më pas do të dalin nga qendra dhe do të kthehen në Itali.

Teorikisht mund të rrëzohet, por më duket shumë e vështirë sepse mazhoranca e Giorgia Melonit është shumë e fortë, por ne nuk jemi të sigurtë nëse marrëveshja duhet të aprovohet nga parlamenti. Duhet ta lexojmë dhe ta kuptojmë që me siguri, parlamenti italian duhet të bëjë një ligj në lidhje me këtë’, tha gjatë intervistës në SYRI TV, gazetari italian Alessandro Mantovani.

Të fundit