“Marrëveshja ‘top sekret’ me Pfizer?”, Gjoni: Qeveria po tallet; Hajdari: Duhet më shumë transparencë

Sesioni i ri parlamentar nisi me debate pasi opozita parlamentare kërkoi informacione për marrëveshjen me kompaninë Pfizer për vaksinat anti-covid.  

Kreu i Kuvendit Gramoz Ruçi në nisje të seancës, prezantoi tre akte normative të propozuara nga qeveria që kanë të bëjnë me marrëveshjen me Pfizer .

Gjatë një debati me deputetët Rudina Hajdari dhe Ralf Gjoni, Ruçi tha se kjo është një marrëveshje dy palëshe që Pfizer nënshkruan me të gjitha shtetet që zgjedhin të marrin vaksinën.

Ai sqaroi se deputetët mund të njihen me këto akte në komisionet respektive.

Nga ana tjetër, dy deputetët e opozitës parlamentare kërkuan më shumë transparencë për procedurat, pasi bëhet fjalë për një çështje sensitive.

Ruçi:

Do kërkoja mirëkuptimin e deputetëve se nga qeveria janë paraqitur 3 akte normative që kanë të bëjnë me çështjen e përballimit të pandemisë.

E para, për miratimin por tekstin e marrëveshjes për prodhimin e furnizimin nga dhe përmes Pfizer dhe ministrisë së Shëndetësisë. Autorizimin për lejimin e hyrjes së vaksinës

E dyta, për dhënien e autorizimit MSH për negociatat me prodhuesit e vaksinës

E treta, për miratimin e marrëveshjes për prodhimin e furnizimin nëpërmjet Pfizer

Do kërkoja miratimi për ti ratifikuar këto tre akte për emergjencës që kanë. Para se të vija bëra një konsultë me krerët e grupeve dhe kemi rënë dakord dhe do kërkoja mirëkuptimin e kolegëve.

Deputeti Ralf Gjoni:

“Jam dakord t’i shqyrtojmë por ju lutem, ky ekzekutim nuk mund të tallet me parlamentin. Po kërkoj në rendin e ditës tekstin e akteve normative nuk ka asnjë shenjë. Deputetët nuk shprehen me votim bazuar në tituj të lexuar nga ju.

Keni kaluar nga debati i madh i vitit të kaluar për vaksinën Covax në disa vaksina klandestine nga një vend i BE deri në akte normative teksti i së cilës që mungon.

A ka mundësi të kemi më shumë transparencë pasi kemi përgjegjësi për shuma të mëdha. Procedurat të bëhen zyrtare.

Ruçi: Unë bëra një propozim dhe thashë tre kryetarët e grupeve janë dakord dhe ka një kundër. S’kemi të bëjmë me tallje të ekzekutivit. Të dyja aktet e para normative kishin mbërritur në parlament në konferencën e kryetarëve.

Atje artikulova se nuk do botohet se është në marrëveshje , te mos jete as në shtyp e as online, është ne marrëveshje. Janë botuar në komisionet respektive dhe deputetët janë të lutur të ulen dhe të njihen me to. Nuk ka asgjë këtu për transparencën.

Kjo nuk është kërkesë për ne por për të gjitha parlamentet. Jemi të detyruar ta zbatojmë derisa jemi dy palë.

Rudina Hajdari:

Nuk jam e informuar në lidhje me takimin që keni bërë me krerët e grupeve parlamentare dhe temën. Nuk jam dakord me mënyrën e procedimit. Një ceshtje e tillë duhet të jemi sa më transparencë dhe aktet normative nuk mund të kalojnë sot, mund të rimblidhemi pasi deputetët e qytetarët të njihen me këto akte normative.

Nuk kemi pse sillemi sikur ka një sekret të madh, duhet të jemi sa më transparence, si merren këto vaksina. Ti përdorim këto seanca për të informuar qytetarët dhe jo të merren vendime në dhoma të kyçura me 3-4 veta.

Ruci: Edhe një herë se nuk po kuptohemi. Çfarë sekreti ka këtu, çfarë do shikojmë ne.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm