Marrëveshja Shqipëri-Itali për refugjatët, Sky News: Meloni planifikon vizitë në Tiranë

Media e njohur britanike Sky News ka shkruar një artikull rreth marrëveshjes mes Shqipërisë dhe Italisë për refugjatët nga Afrika.

Në shkrim, bëhet krahasimi i marrëveshjes me planin e Mbretërisë së Bashkuar për të çuar refugjatët e paligjshëm në Ruanda.

Po ashtu, theksohet se kryeministrja italiane Meloni planifikon të udhëtojë në kryeqytetin shqiptar, në pranverë dhe dëshiron që kampi i parë të hapet në maj 2024, pak para zgjedhjeve evropiane.

Artikulli i plotë:

Marrëveshja italiane, e shpallur nga kryeministri Giorgia Meloni së bashku me liderin shqiptar Edi Rama, parashikon deri në 3,000 azilkërkues mund të dërgohen në Shqipëri çdo muaj, pasi janë shpëtuar fillimisht nga anijet italiane, si rojet bregdetare apo policia.

Njoftimi dështoi t’u përgjigjej pyetjeve kryesore; të tilla si çfarë do të ndodhte me njerëzit pasi të vendoseshin kërkesat e tyre për azil? Por dokumentet e brendshme që kemi parë tani u përgjigjen këtyre pyetjeve.

Ata e bëjnë të qartë se, ndryshe nga plani i Mbretërisë së Bashkuar për Ruandën, marrëveshja e përbashkët mbulon vetëm periudhën gjatë së cilës po shqyrtohen aplikimet e tyre dhe një periudhë të shkurtër më pas.

Nëse një emigranti i jepet azil, atëherë personi do të dërgohej në Itali për të filluar një jetë të re.

Plani i Mbretërisë së Bashkuar, në të kundërt, përcakton që një azilkërkues i suksesshëm do të detyrohej të qëndronte në Ruandë.

Marrëveshja e Italisë me Shqipërinë thotë gjithashtu se nëse rezulton e pamundur të dërgohet dikë në vendin e origjinës, atëherë ata do të kthehen sërish në Itali pas një periudhe të caktuar kohe, që besohet të jetë 40 ditë.

Marrëveshja u ra dakord drejtpërdrejt mes Melonit dhe Ramës.

Dy zëvendëskryeministrat e Italisë, Antonio Tajani dhe Matteo Salvini, nuk ishin në dijeni të marrëveshjes deri pak para shpalljes së saj.

Italia do të paguajë për ndërtimin e qendrave të përpunimit dhe gjithashtu do të ndajë një fond prej 100 milion € për të mbuluar çdo kosto që Shqipëria mund të ketë.

Është rënë dakord që numri i përgjithshëm i emigrantëve të strehuar në këto qendra të mos shkojë mbi 3000.

Dokumenti i marrëveshjes bën gjithashtu të qartë se synon të promovojë “bashkëpunimin dypalësh në të gjithë sektorët” në dritën e “aderimit të Republikës së Shqipërisë në Bashkimin Europian”.

Shqipëria është një vend kandidat për t’u anëtarësuar në BE, pasi ka aplikuar për herë të parë në vitin 2009.

BE-ja ka kërkuar më shumë detaje për planin për dërgimin e emigrantëve në Shqipëri, pas pyetjeve nëse ai respekton ligjin evropian.

Meloni thuhet se po planifikon të udhëtojë në kryeqytetin shqiptar, Tiranë, në pranverë dhe dëshiron që kampi i parë të hapet në maj 2024, pak para zgjedhjeve evropiane.