Martesa brenda një gjinie, Alimehmeti: Përdorim nga bashkia Tiranë, duhet hetim

Anëtari i Këshillit Bashkiak Tiranë, Ilir Alimehmeti komentoi martesën mes të njëjtës gjini në tarracën e bashkisë Tiranë.

I ftuar në MCN, ai tha se kete akt e sheh me keqardhje që dy shqiptare u përdorën në jashtëligjshmëri nga bashkia Tiranë, për të hequr vëmendjen nga jashtëligjshmëri të tjera.

"Bënë një diçka, kanë ca foto, ka një aktivitet aty, po çfarë u fitua nga ana ligjore? Kjo u bë që në mos ta kemi vëmendjen të aferat e jashtëligjshme që bashkia Tiranë është përfshirë.

Është për të ardhur shumë keq dhe tregon shumë qartë se duke qenë se na sjellin dikë edhe jashtë Shqipërisë, tregon se ose jeni të paaftë, ose nuk dini.

Unë e ftoj këtë zotëri që i jep këto mundësi të ikë ky jashtë, flas për Erion Veliajn për sa kohë nuk arrin të gjejë një mirëkuptim, as me ligjin, as me klerin, as me shoqërinë.

Ky shtet këtu ka këto ligje dhe këto vlera shoqërore. Më vjen shumë keq që bashkia Tiranë e ka humbur plotësisht funksionalitetin.

E drejta e tyre është të jetojnë. Njëra prej tyre patjetër është nënë e dy binjakeve, nuk mund të jenë të dyja.

Nëse dikujt i teket të thyejë të gjitha ligjet, me bekimin e mediave dhe të tjerëve, atëherë për çfarë ekziston ky shtet. Aty duhet t’i bjerë derës shteti.

Është njësoj sikur të dalim ne, kemi vrarë dhe po japim konferencë për shtyp që kemi vrarë.

Nuk është e njëjta gjë, por është e jashtëligjshme, pse kryhen vepra të jashtëligjshme, me autoritetin e kujt ti bëre këtë gjënë këtu dhe këtu duhet ti bien derës këto institucione.

Me autoritetin e kujt u bë? Duhet të hetohet. Statusin e lidhjes në martesë nuk e fituan se nuk e njeh ligji.

Ligjërisht nuk fituan asgjë se u keqpërdorën, se janë dy shtetase shqiptare dhe ato", u shpreh Alimehmeti.