Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Masakra e Libofshës/ Rrëfehet prokurori që dha dënimin e fundit me vdekje: Autorët nuk u penduan, vështirë të rivihet

Politiko 18 Nëntor 2021, 20:02

Masakra e Libofshës/ Rrëfehet prokurori që dha dënimin e

Ngjarja e rëndë në Fier, vrasja e 8-vjeçarit Mateo Vasiu, risolli në vëmendje të ashtuquajturën ‘Masakra e Libofshës’. Më 29 maj të viti 1992, në fshatin Libofshë të Fierit, vëllezërit Josif dhe Dritëbardh Çuko, ekzekutuan pesë anëtarë të familjes, mes tyre edhe foshnjën 7 muajshe.

Sot, pas 29 vitesh, prokurori që shpalli fajtor dy vëllezërit dhe caktoi dënimin me varje në litar, Kiço Nano tregon episode nga momenti kur ka dhënë dënimin për dy vëllezërit.

Ish-prokurori tregon se nuk ka qenë aspak e lehtë të japë vendimin, por se kur kujtonte tragjedinë që kishte ndodhur në familjen Pupa, e sidomos vrasjen makabre të foshnjës, mendoi se dy autorët meritonin më shumë se sa ekzekutimin me varje në litar.

“Unë deri në korrik të ’92 kam qenë prokuror i rrethit të Fierit dhe në muajin prill ndodhi një ngjarje shumë e rëndë, makabre, në Fier, që më ka ngel në mendje, u vranë u zhdukën tre breza. Ngjarje e rrallë në Evropë dhe në botë që të zhdukësh tre breza në një vrasje. Ikën djali me nusen, fëmija e vogël, Magdalena 7 muajsh dhe prindërit e djalit, tre breza. Më ka ngelur në mendje, kur gjeta forcën, kur kujtoja dhe kaloja nëpër mend skenën e vrasjes së foshnjës 7 muajshe ajo më jepte të thoja jo kapital, por sikur të kishte super kapital ata e meritonin ekzekutimin. E vrau me levë, madje e kisha peshuar levën, ishte levë barominë 13 kilogramshe. E gjuajti në kokë, qau fëmija. Pasi u goditën të parët djali me nusen, u goditën ata me levë, duke dëgjuar zhurmë fëmija qau, se ishte ora 01:00 i natës, ata qëlluan edhe fëmijën me levë”, u shpreh Nano.

Nano tregon se dy vrasësit e pesë anëtarëve, teksa treguan të gjithë ngjarjen, nuk shprehën pendesë. “Po, po të gjithë ngjarjen. Jo hiç fare, sikur s’kishte ndodhur asgjë, nuk ishin penduar."

Sa i përket ngjarjes së para dy ditëve, ku Klodian Çalamani rrëmbeu, vrau dhe groposi në oborrin e banesës së tij 8-vjeçarin, Nano e cilëson ngjarje makabre që meriton dënimin maksimal.

Por sa i mundur është rikthimi i dënimit me vdekje? “Lufta më e madhe duhet të ishte bërë në kohën kur u hoq, të mos hiqej, tani që është hequr është vështirë të rivihet përsëri”, u shpreh Nano.

Të fundit